Koloseanɛ 2:18 - Nyangbo New Testament

¹⁸ Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Koloseanɛ 2:18 Referans Kwoze

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Timoteo 1 1:7

Bapɛ asɛ tɛ̀ bedzi ɔshadɔkasɛ, pɔ betinyi kɛnɔnɔ shu gɛ baɖɔaɖɔ alo kɛnɔnɔ abha gɛ batɔɖɔ kɛklagbuɔ.

Koloseanɛ 2:23

Ɔsha ɛlɛ nɛidi wɔ̃ɛ asɛ bubutì ebui lɛinu, nɛ kanà gɛ lɛitũ kibui kpɛ sɛ bakpɛ ɛtakpu esi akɔ ɛlɛ, asɛnɛ ishu esi zhizhini kɔ ɛlɛ, nɛ̀ kana gɛ lɛɛbhɛtɛ̀ ebui gbudugbudù nɛ̀ ishupiɛ, pɔ kɛgɛ bakɔ ɔsɛ beyi ide nɛ ishudzya mɛ ebui pɛpɛ nɔ ma alɛ ahɔɛ.

Timoteo 1 4:1

Ɔfɔfuĩa nɔ dalɛ ɛlɛ mɛ ɔsɛ nɛ ewui gɔgɔɛ nɔ mɛɛ, beteli aba shɛnɛ ahɔɛ nɛ tɛyɛyɛkɛŋã shu pɛ babà kpatɔnɔ asɛnɛ ɛfɔfuĩa nɛ̀ ebui gɛ ɛfɔfuĩa zizĩɛ kasɛ.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Romanɛ 1:25

Batsrakɛ Owusoso Akaa ibuiɛ gbangbã nɛ̀ asɛnɛ sɛsɛ, kɛlɛ baakpɛ ɛtakpu esi pɛ baadɛ axɔ̃ɛ akɔ banɔdzyrame ɔdɔ̃ bhɛbhɛtɛ, ɔdɛ ɔsɛ tɛ bakpɛ ɛtakpu esi akɔ Kititíayɛ gɛ ebu bɔdɔ̃ɔ, anunɔ gɛ kɛlɛ bakpɛ yɛinye nɛitití tihɔɔ nɔ. Amen.

Kibui Bubú Kasɛ 3:11

Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.

Yohanes 1 2:26

Ɛfɔnɔ ebui alɛ kɔ wɔnɔ nɛ bagɛ bapɛ asɛ agbanà wɔnɔ atsaɖakɛ kidzoɔ shu.

Filipianɛ 3:14

Ɛwlɔ̃akɛ sɛ tɛ mɛŋã kabha tɛ ɛyɛkɛ kɛbhɛɛ gɛ ɛlɛ shu so pɛ Owusoso Akaa ekulu mɛ ɔvɛnɔ ititiɛ ɔmana Kristo Yesu mɛ.

Efesoanɛ 5:6

Nɔtɛkɔ ananà awɔɛ ɔnɔ nɛ ebui gɛ lama alɛ mɛ shu, ɔmɔsɛ ebui alɛ nɛidi shu Owusoso Akaa ɔmɔpɔɛ ɔba bagɛ etielũ atɔ̃ nabha.

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Kibui Bubú Kasɛ 13:14

Nɛ bɔdɔ̃ bubú kasɛ ɛlɛ shu soɔ bakɔɛ ohumi sɛ tɛ azawɔa axɔ̃ɛ nɛ agãhoeɛ gɛeputɔ nɛinye mɛ, kɛlɛ azawɔɛ banunɔ nɛ esiakpa nabha. Akɔ balɛ ɔsha asɛ bafatɛ osí nɛ agãhoe gɛ beté nɛ̀ bɛtɛ̀ pɛ akalɛ nɛ̀ ɛkpãa, yɛtɛzazã mɛ.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Petro 2 2:14

Balɛ awuhũɔ etsiɖi ɔmamɛ dɛdɛ shu, kliso batɛ balà yɔlɔ ebui kpa bhɛbhɛtɛ. Bawɔɛ bagɛ agɛ kpɛ iguɔ, bedzi beyì gɛ baɖɔ kibui akpɛ!

Koloseanɛ 2:4

Itseɖe ɔnɔ kibui ɛlɛ sɛ tɛ ananà atɛ bawɔɛ ɔnɔ, nɛ̀ ebui wawlɔakɛ gɛ lawɔ̃ɛ asɛ lapɛ̃ɛ.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Korintoanɛ 1 13:4

Tɛdɛdɛmɛ nɔ tɛdɔ fɔ̃ɔ, tɛdɛdɛmɛ nɔ nu ɛyamɛ gbangbã bhɛbhɛtɛ. Tɛdɛdɛmɛ nɔ tɛkpɛ̀ anɔ awɔ̃, tɛdɛdɛmɛ nɔ titũ ahɔɛ nɛ kitelũ, tɛdɛdɛmɛ nɔ tifeke ishu.

Korintoanɛ 1 9:24

Nɔ otinyi ɔsɛ nɛ tɛtsɛɖɛmɛ tibubu mɛɛ, banɔ nɔ nyɔ̃ɔ ebu tɛtsɛɖɛmɛ, pɔ anɔ tenikpo ko yɛaŋã kabha dza? Nɔobu tɛtsɛɖɛmɛ nɛ kidzoɔ gɛ kɛlɛ abha nɔbɔmɔ kabha ŋaŋã.

Korintoanɛ 1 4:18

Wɔnɔ mɛ beteli ezefeke balɛishu, asɛ gɛ onupɛ ɛka bà wɔnɔ ɔbha oɖi ana.

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?

Romanɛ 16:18

Ɔmɔsɛ banɔ alɛ nɛidiɛ, anɛ bɔlɔ Apalete Kristo anɔkpɛkpɛ benu, balɛ evũ shu axɔ̃ɛ baadɛ. Balɔkɔ ebui dzyɛdzyɛ nɛ̀ banɔ balɛ enye kpɛkpɛ nɛitití, pɛ balɔkɔ awɔɛ banɔ gɛ batɛ abhɛtɛ ekpeɖekpeɖe mɛ nɛ kibuiɛ shuɔ nɔ.

Korintoanɛ 1 4:6

Mɛdzya alɛ mɔ, mɛ nɛ̀ Apolo lɔkɔ ebui alɛ kɔ wɔnɔ nɛ wɔnɔ tɛpɛpɛ̃ shu, ɔsɛ tɛ nɔkpasɛ bɔdɔ̃ odenɔ bɔlɔkɔ tɛ nolũ ebui alɛ niesi ɔsɛ “Nɔtɛ bhɛtɛ ɔfalanɔ kɛgɛ bafɔnɔ eluɔ shu.” Sɛ tɛ notibo feke anana owunɔ kabha ɔdɛ yɛɔhagbo.

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.