Koloseanɛ 2:13 - Nyangbo New Testament

¹³ Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Koloseanɛ 2:13 Referans Kwoze

Efesoanɛ 2:1

Wɔnɔ xɔnɔɔ, notitsí ɔbɔ fala nɛ wɔnɔ kesi tata nɛ̀ ebui kpa bhɛbhɛtɛ mɛ,

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Korintoanɛ 2 5:19

sɛ Owusoso Akaa abhɛtɛ tenikpo nɛ kanɔ nɔ̀ mɛ ɔgana Kristo abha, gɛ atɛa kalà banɔdzyrame ebui kpa bhɛbhɛtɛ kɔ alɛ. Kɛlɛ asɛsɛ bɔlɔ kibuiɛ gɛ bamana tenikpo bhɛbhɛtɛ.

Efesoanɛ 2:11

Klisoɔ, nɔ bakà ɔsɛ kuku ibeɛ wɔnɔ bagɛ bamɔ́ ɔnɔ pɛ nɔotinu Yudanɛ pɛ beze kulu ɔnɔ asɛ “bagɛ begi bhui kɛhɔ̃a akɔ” banɔ alɛ gɛ ezekulu ishu asɛ “kɛhɔ̃a bhui bhui” (gɛ bebhui nɛ ishudzyaa mɛ nɛ̀ banɔdzyrame ahɔɛ)

Yakobo 2:26

Ɔmɔ asɛ kinu gɛ anɔ teli enu anɔ tsitsí onupɛ ɔfɔfuĩa ɔma yɛmɛɛ, kidzo ɛlɛ nabha tɛyɛyɛkɛŋã tsyɛ nui idɔ̃ tsitsí onupɛ ɛxɔ̃ɛ wɔawɔa gɛ plɛnɔ nɔ ɛlɛ.

Efesoanɛ 5:14

ɔmɔsɛ kiwuiɛ kɛlɛ ɔkɔ ɔsɛ bamɔ̃ kɛka nyia ka. Kliso pɛ baɖɔ asɛ, “Nyɛmɛ, O wɔ agɛ ɔɔdɔ̀ taɖaa, lɔ odenɔ bekpuɔ mɛ, kɛlɛ Kristoɔ aba tsé kifu atɔɖɔ wɔabha.”

Korintoanɛ 1 15:45

Asɛ gɛ bafɔnɔ elu asɛ, “anyɛ gɛiputɔ gɛedzì adam abazã nɛkpã”, Adam gɔgɔɛ nɔ yɛedzì-ɔfɔfuĩa gɛ lɔkɔ ɛkpã.

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Yohanes 1 2:12

Ɛfɔnɔ ebui alɛ kɔ wɔnɔ, mɛeyi alɛ gɛ ɛdɛmɛ nɔ ɔmɔsɛ balɔkɔ wɔnɔ ebui kpa etsye wɔnɔ nɛ yɛinye nɛtakpu.

Korintoanɛ 1 15:36

Bɔga kibui ɖuwoe di nɛ ɔlɛ! Kɛnanà ma gɛ ɔɖa pɛ kɛgi tsiɛ pɛ kɛbà zã nɛkpã.

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Timoteo 1 5:6

Pɔ avɛvɛ yɛedziniɛ gɛ alɔkɔ ɛkpã ŋaŋã xɔnɔɔ, alɛ nɛkpã pɔ etitsí.

Romanɛ 4:17

Asɛ kɛfɔ̀nɔ gɛ bafɔnɔ ɛlɛ elu asɛ, “Ɛbhɛtɛ wɔ sɛ tɛ odzi Akaa ɔkɔ ɛmadi gelee.” Yɛenu bɔlɔ Akaa nɛ Owusoso Akaa namɛ, anunɔ abha gɛ ayɛkɛ aŋã. Owusoso Akaa gɛ akɔ bekpu bamɛ ɛkpã, kɛlɛ ekulu bɔdɔ̃ gɛgɛ̀zã kuku ibeɛ amana otsiɛ.

Yakobo 2:20

Awɔaga, ɔpɛ ɔsɛ bebu akasɛ wɔ asɛ tɛyɛyɛkɛŋã gɛ ɛxɔ̃ɛ wɔawɔa nanà ma kɛlɛishuɔ ma kɛnanà mɛɛ dza?

Yakobo 2:17

Kidzo ɛlɛ nabha anɔ yɛtɛyɛyɛkɛŋã lɛ́, onupɛ kɛxɔ̃ɛ wɔawɔa ma kɛlɛishuɔ, kinu kɛlɛ́ mɛ tɛyɛyɛkɛŋã.

Timoteo 1 6:13

Nɛ Owusoso Akaa namɛɛ, anɔ gɛ yɛakɔ kɛdɔ̃ ka nyia ka ɛkpã, nɛ̀ Kristo Yesu, anɔ gɛ nɛ kibeɛ gɛ adalɛ kibuiɛ mɛ nɛ Pontio Pilatoɔ amɛ, adalɛ kibui mɛ piapii, gɛ kɛlɛ mɛlɔkɔ kpɛ wɔahɔɛ

Koloseanɛ 2:12

gɛ bavɔbɔ wɔnɔ aplɛnɔ yɛ nɛ bulĩ kpɛkpɛ mɛ pɛ befeke wɔnɔ aplɛnɔ yɛ nɛ wɔnɔ tɛyɛyɛkɛŋã mɛ, ɔganà Owusoso Akaa yɛohumi nɔ mɛ, anɔ gɛ yɛefeke yɛ edenɔ bekpuɔ mɛ.