Koloseanɛ 2:11 - Nyangbo New Testament

¹¹ Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Koloseanɛ 2:11 Referans Kwoze

Romanɛ 2:29

Ao, anunɔ gɛ enu Yudaeyi tututuɔ yɛenu anɔ gɛ alɛ yɛishu mɛ, kɛlɛ yɛhɔ̃a bhui bhuiɛ nu kitúɔ ɛhɔ̃a bhui bhui odenɔ ɔfɔfuĩa mɛ, kɛlɛ anɛ nɛ ɔsha gɛ bafɔnɔ eluɔ nulũ. Anɔ alɛ nɛidi inye kpɛkpɛ nɛititíɛ, anɛ banɔ ɔkɔ kide pɔ Owusoso Akaa ɔkɔ.

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Romanɛ 6:6

Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Hebrianɛ 9:24

Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Hebrianɛ 9:11

Gɛ Kristo abaa asɛ banɔlũazazã gbagbla ɔkɔ ɔdɔ̃ gbangbã gɛlɛ ɛkɛlɛɛ, agã afala nɛ trɛwɔɛagba gɛ egbogblo pɛ kaná ɔdɛ trɛwɔɛagba ka nyia ka, gɛ anɛ anɔdzyrame yɛahɔɛ yɛedzui alɛ nɔ mɛ. Gulũi nɔɔ, kegide kanɔɛ alɛ mɛ.

Korintoanɛ 2 5:1

Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.

Banɔkpɛkpɛ Axɔ̃ɛ 17:24

“Owusoso Akaa gɛ abhɛtɛ kanɔ nɔ̀ nɛ̀ kɛka nyia ka nɛ kalɛ mɛ yɛenu Apalete akɔ kititiɛ nɛ̀ kesiakpa kɛlɛ atɛzã okulukɔ gɛ babhɔ nɛ̀ anɔdzyrame ahɔɛ.

Banɔkpɛkpɛ Axɔ̃ɛ 7:48

Pɔ Kititiayɛ Gbagbla xɔnɔ atɛzã beevũ gɛ banɔ abhɔ mɛ. Asɛ gɛ ebuiɖɔluanɛ aɖɔ asɛ,

Romanɛ 7:24

Ashagabui elete ɖuwoe lu idi nɛ alɛ mɛinuɔ mɔ! Afana gɛ ebebu mɛishupi ɛlɛ eyinɔ nɛ butsi lɛ mɛ?

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.