Koloseanɛ 1:6 - Nyangbo New Testament

⁶ gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Koloseanɛ 1:6 Referans Kwoze

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Romanɛ 1:13

Mɛelɛ alɛ mɔ, ɛpɛ sɛ tɛ kɛzã tititì mɛ kɔ ɔnɔ ɔsɛ anɛ obo mɛtɔɖɔ wɔnɔ ɔkɔ tɛbaba ibui flogo (pɔ ɛgɛzɛmɔ ɛdzo ɔmana otsiɛ) tɛ mɛmɔ ɛdzo tɛ mɛibu atɔwui nɛ ɔnɔ mɛ, asɛ ibu gɛ itibu atɔwui teli gɛ letinu Yudanɛ nɛ ɛkɔ tili ana.

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Filipianɛ 4:17

Gɛnɛ sɛ gɛ ɛpɛ ɛdɔ̃ kɔkɔ so, pɔ iɖi kɛgɛ badzì tiyuyulà kɔ ɔnɔ.

Efesoanɛ 5:9

tɛ nɔ pɛɛ kɛgɛ ikù Apaleteɛ sameɛ,

Efesoanɛ 4:23

sɛ tɛ babhɛtɛ edzo alɛ avɔvɔ nɛ ebui gɛ alɛ ɔnɔ ekpeɖekpeɖeɛ mɛ,

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Korintoanɛ 2 10:14

Bɔtɛbà tũ etelũ falanɔ kifú faanɔ, asɛ gɛ kɛbà ba ɛlɛ mɛ gɛ onupɛ bɔgɛ ba wɔnɔ ɔbha ana, ɔmɔsɛ bɔlɔ lɔkɔ Kristo kibui gbangbã mana wɔnɔ.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Banɔkpɛkpɛ Axɔ̃ɛ 12:24

Pɔ Owusoso Akaa nɛibuiɛ xɔnɔ zɛvɛ ɛlɛ abha pɛ kɛɛnɛ tɔɖɔ.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Efesoanɛ 3:2

Kɛlɛ ɛlɛ mɛ ɔsɛ nɔolũ Owusoso Akaa yɛ tibhui bhuibu ɛxɔ̃ɛ gɛ akɔ mɛ akɔ ɔnɔ,

Romanɛ 15:28

Kliso onupɛ ɛdɛ kɛxɔ̃ɛ ɛlɛ, pɛ iɖi kɛlɛ ɔkɔ ɔsɛ bɔdɔ̃ ɔlɛ ku balɛ ahɔɛ mɛ ebekeɛ, ɛba bàgã wɔnɔ ɔkɔ fala vɛ Spania.