Koloseanɛ 1:5 - Nyangbo New Testament

⁵ tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Koloseanɛ 1:5 Referans Kwoze

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Petro 1 2:2

Asɛ beyì vɔvɔ gɛ bamɔ ana, nɔobisi ɔfɔfuĩa mɛ kɛmɔlĩ gbangbã, sɛ tɛ nɛ bɔlɛ mɛɛ nɔobo shè oku wɔnɔ tibubuɔ mɛ,

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Korintoanɛ 1 15:19

Onupɛ kanɔ alɛ mɛ ete shu so pɛ bulũ awɔ nɛ Kristo abhaa, kɛlɛ bunù ashagabui elete ɔdɛ anɔnyianɔ.

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Korintoanɛ 2 5:19

sɛ Owusoso Akaa abhɛtɛ tenikpo nɛ kanɔ nɔ̀ mɛ ɔgana Kristo abha, gɛ atɛa kalà banɔdzyrame ebui kpa bhɛbhɛtɛ kɔ alɛ. Kɛlɛ asɛsɛ bɔlɔ kibuiɛ gɛ bamana tenikpo bhɛbhɛtɛ.

Banɔkpɛkpɛ Axɔ̃ɛ 23:6

Kɛlɛ Paulo, gɛenyi asɛ balɛ mɛ beteli enu Zadukianɛ pɛ bagɔgɔɛ nɔ enu Farisianɛ soɔ, aɖɔaɖɔ gagalĩ etseɖe ɔhamɛ besheshèɛ asɛ, “Mɛadzya alɛ mɔ, Farisieyi mɛinu, inu eyianyɛ ɔkɔ Farisieyi. Bekulu kebhu nɛ mɛ ɔmɔsɛ iɖi otugbà mɛ ɔkɔ betsitsíɛ tɛlɔlɔ.”

Petro 1 3:15

Pɔ nɛ wɔnɔ etúɔ mɛɛ, nɔlɔkɔ Kristo asɛ wɔnɔ Apalete. Nɔbalɛ kibe nyia be tɛ̀ nɔobu kibui ulũ ɔkɔ aka nyia aka gɛ ebisì wɔnɔ kibui sɛ tɛ̀ nɔɖɔ kɛnɔnɔ shu sopɛ nɔoɖì kidzo mɛ ɔkɔ ebui alɛ. Pɔ nɔbhɛtɛ alɛ nɛ tɛdɔdɔ fɔ̃ɔ nɛ̀ kaɖɔ gbangbã tɛɖɔɖɔ mɛ,

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Banɔkpɛkpɛ Axɔ̃ɛ 24:15

kɛlɛ kidzo tinikpo ɛlɛ mɛ mɛtsyɛ iɖi ɔkɔ Owusoso Akaa asɛ banɔ alɛ ana, asɛ tɛlɔlɔ odenɔ bekpùmɛ alɛ akɔ banɔ dadalɛ nɛ̀ atakpu mɛ gagalĩ eleteɛ.

Timoteo 1 1:15

Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Koloseanɛ 3:16

Nɔkɔ Kristo ibuiɛ zã wɔnɔ mɛ nɛ kedzi yɛyɛkɛ mɛ nɛ kibeɛ gɛ nɔkasɛ ɔdɔ̃ pɛ nohu buluhũ ɔkɔ agɔlɔ nɛ bubutì petee mɛ, nɛ kibeɛ gɛ nɔɔkalà ɛdzɛ zhazhã eplukpa pɛ nɔzhã ɛfɔfuĩa mɛ ɛdzɛɛ nɛ̀ ahɔɛhuhu nɛ wɔnɔ etúɔ mɛ ɔkɔ Owusoso Akaa.

Romanɛ 10:8

Pɔ kiɖuwoe koŋ kibuiɛ ɖɔ? Kɛɖɔ ɔsɛ, “Kibuiɛ lɛ wɔbha, kɛlɛ wɔolugbũɔ mɛ, nɛ̀ wɔɛtúɔ mɛ,” kɛlɛinu tɛyɛyɛkɛŋã ibuiɛ gɛ baɖɔɔ.

Banɔkpɛkpɛ Axɔ̃ɛ 10:36

Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Korintoanɛ 2 6:7

nɛ kibui gbã tɛɖɔɖɔ mɛ nɛ̀ Owusoso Akaa yɛohumi nɔ mɛ, tɛ bɔlɔkɔ kibui gbangbã bhɛbhɛtɛ keyutadɔ̃ nɛ kɛŋã nɛ̀ kɛblɛkpɛ mɛ̀,

Galatianɛ 2:5

Bɔgɛ shɛnɛ ahɔɛ bɔlɔ shu kɔ alɛ nɛ kibe nanà mɛ, ɔsɛ tɛ kibui gbangbã gɛlɛ kibui gbã shuɔ zã ɔnɔ ɔkɔ.

Galatianɛ 2:14

Kibeɛ gɛ ɛmɔsɛ batɛ agã nɛ kibui gbangbã gɛlɛ ɛlɛ ɔzãkɔ nabhaa, itseɖe Petro nɛ balɛ nyɔ̃ɔ amɛ ɔsɛ, “Yudaeyi wɔonu, pɔ odzi nɛ̀ ɛkpã asɛ anɔ gɛetinu Yudaeyi, wɔɛkpã ma asɛ Yudaeyi ana. Kiɖe so pɛ otũ ɛlɛ ɔkpɛ bagɛ etinu Yudanɛ ulũ xɔnɔ ɔsɛ beze shu Yudanɛ ɛkɔ dza?

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Petro 2 1:12

Klisoɔ ɛba zɛbakà wɔnɔ kibè nyia bè nɛ ebui alɛ shu, gɛ nɔonyi alɛ pɛ nɔkpɛ igu nɛ kibui gbã gɛ nɔyɛkɛ mɛ tsyɛ flogo.