3 Buuhù Owusoso Akaa gɛenu bɔlɔ Apalete Yesu Kristo Yɛakaa ahɔɛ kibe nyia be gɛ onupɛ bukulu Owusoso Akaa nɛ wɔnɔ ɛtakpu,
Buuhu Owusoso Akaa ahɔɛ kibe nyia be kɔ wɔnɔ pete pɛ bukulu wɔnɔ kpɛ ɔlɔ Owusoso Akaa tikukulu mɛ̀.
Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.
Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.
Iihu Owusoso Akaa yɛahɔɛ kibe nyia be nɛ wɔnɔ kɛtakpu, nɛ tibhui bhuibuɔ gɛ akɔ wɔnɔ nɛ Yesu Kristo mɛɛ shu.
Ɔmɔsɛ yɛebu ɔlɔ odenɔ otumũ mɛ kabha ŋaŋã esi, kɛlɛ agbanà ɔlɔ amana Yɛeyianyɛ gɛ adɛmɛnɔ bukusi ɔŋãkɔ,
Nɛ kibui ɛlɛ shu soɔ, odenɔ kibeɛ gɛ ilũ wɔnɔ tɛyɛyɛkɛŋã nɛ Apaleteɛ Yesu abha nɛ̀ wɔnɔ tɛdɛdɛmɛ nɔ ɔkɔ banɔ dadalɛ petee nɔ,
Nɔtɛ lɔkɔ ɔwɔ̃nyɔnɔ nɛ kɛnanà shu, pɔ nɛ kɛka nyia ka mɛɛ, nɔ ganà ɛlɛ nɛ Owusoso Akaa tikukulu, kɛdɔ̃ bibisì, nɛ̀ ahɔɛ huhú mɛ, nɔ lɔkɔ wɔnɔ ɛdɔ̃ bibisìɛ lu Owusoso Akaa namɛ.
sɛ tɛ nɔlɔkɔ kitú tinikpo nɛ̀ olugbũ tonikpo ɔkpɛ Owusoso Akaa, gɛenu bɔlɔ Apalete Yesu Kristo Yɛakaa nɛinye nɛitití.
Nɔkpɛ Owusoso Akaa gɛenu Apalete Yesu Yɛakaa nɛinye nɛitití, Akaa gɛ ebi ashagabui nɛ̀ Owusoso Akaa gɛ ayɔ banɔ nyɔ̃ɔ ishumɛ,
Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.