Koloseanɛ 1:29 - Nyangbo New Testament

²⁹ Ɔvɛnɔ kibui ɛlɛ ɔgɔgɔɛ ɔkɔɔ mɛɛtɔ, pɛ ɛwlɔ̃akɛ nɛ̀ yɛohumi nɔ petee, gɛ lɔwɔa axɔ̃ɛ gagalĩi nɛ mɛ mɛ̀.

Koloseanɛ 1:29 Referans Kwoze

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Efesoanɛ 1:19

nɛ̀ yɛ ohumi hohoe nɔ gɛ batɛ balà lɔkɔ ashɔnɔ ɔnanà, ɔkɔ bɔlɔ bagɛ yɛkɛ aŋãa. Ohumi ɔlɛ odzi asɛ yɛ ohumi gbagbla nɔ gɛ alɔkɔ awɔa axɔ̃ɛ nɔ,

Efesoanɛ 3:7

Ɛbadzì axɔ̃ɛdɛ ɔkɔ kibui gbangbã ɛlɛ nɛ Owusoso Akaa kɛdɔ̃ kɔkɔ nɛ̀ tibhui bhuibuɔ gɛ akɔ mɛ ɔganà yɛohumi nɔ axɔ̃ɛ wɔawɔa mɛ.

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Koloseanɛ 2:1

Ɛpɛ sɛ nɔotì kana gɛ ɛwlɔãkɛ ɔkɔ ɔnɔ nɛ̀ bagɛ alɛ Ladokia nɔ, nɛ̀ banɔ nɔ petee gɛ akamɔ mɛ eɖiɛ.

Tesalonikanɛ 2 3:8

alo pɛ bɔŋã anɔ teli bɔdɔ̃ gɛ bɔgɛ buia bɔlɛ ɛbhɛ. Kibui ɛlɛ shu soɔ, bɔwɔa axɔ̃ɛ elishi nɛ̀ kemuze, kɛlɛ buuwu pɛ buuzhì nɛ bɔtɔ mɛ sɛ tɛ bɔtɛ badzi bɔtɔ ɔkɔ wɔnɔ mɛ anɔ nanà.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Korintoanɛ 1 12:11

Alɛ nyɔ̃ɔ enu Ɔfɔfuĩa ɔlɛ tonikpo ɔlɛ axɔ̃ɛ wɔawɔa, kɛlɛ akɔ anɔka nyia ka nɛ kana gɛ apɛ nulũ.

Romanɛ 15:20

Kidzi mɛtakpu tɔtɔɖɔ ɔsɛ tɛ mɛɖɔ Kibui Gbangbã nɛ ɛklɛ gɛ betinyi Kristoɔ, sɛ tɛ mɛtɛ kpɛ ɛtakpu nɛ ɛkɛlɛ gɛ anɔ bhlatɔ teli atɛkpɛ ibuiɛ tɛɖɔɖɔ esi akɔ banunɔ.

Kibui Bubú Kasɛ 2:3

Inyi ikpɛ gɛ ɔkpɛ emi nɛ̀ ilu gɛ olu itú esi nɛ bɔtɔ mɛ gɛ ɔgã nɛ mɛtakpu, pɔ ɔgɛkɔ ɛtakpu.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Filipianɛ 1:30

gɛ nɔɔgã bɔtɔ ɛlɛ nɛidi mɛ gɛ nɔmɔ ɔsɛ ɛzɛgãa, ɛka tsiɖi bɔtɔ ɔlɛ nɛidi abha.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Efesoanɛ 3:20

Otsi nɔ agɛ yɛabhɛtɛ ebuiɛ gɛ batɛ là alɔkɔ shɔnɔ ebui nanà, ɔdɛ agɛ bubisiɛ petee alo pɛ bɔbhɛtɛ ekpeɖekpeɖe mɛ nɛ alɛ shuɔ, nɛ yɛohumi nɔ gɛ lɔwɔa axɔ̃ɛ nɛ ɔlɔ mɛ nulũ,

Korintoanɛ 2 13:3

gɛ nɔpɛ ɔsɛ oti kɛgbã sɛ Kristo aɖɔaɖɔ ɔgana mɛabha. Kristo egi botso nɛ kɛnanà bhɛbhɛtɛ nɛ wɔnɔ, pɔ ohumi ɔlɛ yɛahɔɛ nɛ wɔnɔɛshi.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Korintoanɛ 2 6:5

nɛ tihuhuisi mɛ, ɔɖavũmɛ zazã nɛ̀ ebelà ebui mɛ, nɛ kɛxɔ̃ɛ gagalĩ tɛwɔawɔa mɛ̀, elishi taɖa madɔ madɔ nɛ bɔbhɛ mɛ,

Korintoanɛ 2 5:9

Klisoɔ, kinu kibui gɛ bɔtɔɖɔ sɛ bɔpɛ sɛ tɛ buku yɛawɔ, gɛ onupɛ edzi asɛ bɔkpasɛ bɔpãlɛ ginu ishudzya alo onupɛ bɔma bɔlɛ mɛ tsyɛ.

Korintoanɛ 1 12:6

Axɔ̃ɛ wɔawɔa ediedi tsyɛ alɛ, pɔ Owusoso Akaa xɔnɔ tenikpo yɛ awɔa alɛ nɛ banɔ nɔ petee mɛ.

Romanɛ 15:30

Mɛelɛ alɛ mɔ, ɛkpalà ɔnɔ ɔgana Apalete Yesu Kristo abha, nɛ̀ Yɛɔfɔfuĩa nɔ tɛdɛdɛmɛ nɔ nɛ̀ banɔ mɛɛ, tɛ nɔplɛnɔ mɛ nɛ ɛxɔ̃ɛ gagalĩ lɛ mɛ, tɛ nokulu Owusoso Akaa nɛ mɛtakpu.

Hebrianɛ 12:4

Gɛ nɔgɔ̃lɛ nɛ̀ ebui kpa tsyɛ elo, kɛkà ba ɛlɛ mɛ sɛ tɛ bàbalɛ wɔnɔ dzyosu esi xɔnɔ.

Koloseanɛ 2:12

gɛ bavɔbɔ wɔnɔ aplɛnɔ yɛ nɛ bulĩ kpɛkpɛ mɛ pɛ befeke wɔnɔ aplɛnɔ yɛ nɛ wɔnɔ tɛyɛyɛkɛŋã mɛ, ɔganà Owusoso Akaa yɛohumi nɔ mɛ, anɔ gɛ yɛefeke yɛ edenɔ bekpuɔ mɛ.