Koloseanɛ 1:23 - Nyangbo New Testament

²³ onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Koloseanɛ 1:23 Referans Kwoze

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 10:38

Mɛ anɔ gbangbã pɔɔ, abazã nɛ̀ ɛkpã gana tɛyɛyɛkɛŋã mɛ. Kɛlɛ etsodzi etsyina avɛ kideɛ, yɛibui zaazã mɛuli.”

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Romanɛ 10:18

Pɔ ibisi sɛ. Begilũ dza? Baa nɔ belũ alɛ, “Balɛ kibuiɛ ozĩ kpɛkpɛ oyi gɛ lɔtsyɔa esiakpa nabha petee, balɛ ebuiɛ avɛ kanɔ nɔ̀ ɔtɔ̃ kɔ.”

Hebrianɛ 6:19

Kidzo mɛ ɖiɖi ɛlɛ kɛlɛ nyana bɔlɔ atɔwuiɛ evunɔ asɛ kɛnyana gɛ sɛkɛ anyana kelĩ abha ohu evunɔ pɛ lɔtɛ hɔa ana. Agã kɛpɔtɛ gɛ balɔkɔ ebhui buvũɔ mɛ nɔ̀ mɛ. Etsoku ɔdadalɛ ɔkɔ pɛ avɛ kɛpɔtɛ niede,

Tesalonikanɛ 1 3:5

Nɛ kibui ɛlɛshu, gɛ ɛzaka là zã kɛlɛ ulũ soɔ, ɛkpɛ banɔ sɛ tɛ̀ milũ wɔnɔ tɛyɛyɛkɛŋã shu ebuiɛ. Kifu ziyi mɛ sɛ nɛ kidzo tili abhaa, Satana gɛ efeke banɔ eɖiɛ ebe feke wɔnɔ kɛlɛ bɔlɔ katsɛɖɛ bubuɔ abawɔ kɛlɛ́ɛ mɛ.

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Banɔkpɛkpɛ Axɔ̃ɛ 2:5

Nɛ kibè ɛlɛ, Yudanɛ teli gɛ badɛmɛ nɔ nɛ̀ Owusoso Akaa bede ɛmadi ka nyia ka mɛ nɛ kesiakpa nabha abazã Yerusalem.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Koloseanɛ 1:25

Ɛbadzì kɛlɛ axɔ̃ɛdɛ ɔganà kɛxɔ̃ɛ gɛ Owusoso Akaa akɔ mɛ sɛ ɛkpɛ ahɔɛ akɔ ɔnɔ gɛinu Owusoso Akaa ibuiɛ petee,

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Koloseanɛ 2:7

nɔkpɛ̀ igu tɛ̀ nɔbhɔ tɔɖɔ kabha nɛ yɛ mɛ, nɔzã gagalĩ nɛ tɛyɛyɛkɛŋã mɛ asɛ kana gɛ bakasɛ ɔnɔ ana, tɛ̀ nɔkɔ ɔnɔ ahɔɛhuhu eyuku gbagbà.

Galatianɛ 5:7

Nɔzɔ̀ dɛ kɛxɔ̃ɛ gbangbã. Pɔ afana gɛ akpɛ ɛlɛ nɛ wɔnɔ mɛ ɔsɛ tɛ nɔ otolũ atɔ̃ ɔkɔ kibuiɛ gɛlɛ ɛlɛ ɔzãkɔ dza?

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 1 1:12

Ihu bɔlɔ Apalete Kristo Yesu ahɔɛ, anɔ gɛ yɛakɔ mɛ ohumi, pɛ ayɛkɛ mɛabha aŋã sɛ ɛtɛsɛ asɛnɛ, pɛ ebu mɛ akɔ yɛxɔ̃ɛ wɔawɔa.

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Tesalonikanɛ 1 3:3

sɛ tɛ ananà atɛba mɔ ɔwɔ̃nyɔnɔ denɔ tifefekeɖi lɛ mɛ. Ɔmɔsɛ nonyi piapii ɔsɛ babhɛtɛ bɔlɔ ɔkɔ tifefekeɖi ebui alɛ.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Efesoanɛ 2:21

Yɛabha babhɔ buvũɔ atɔ̃ atsà, pɛ buwu kabha pɛ bɔba dzì Akaavũɔ gɛ bɔlɛ shu dalɛ nɛ Apaleteɛ mɛ.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Galatianɛ 4:11

Isi ifu kɔ ɔnɔ, ɔsɛ ɔdɛ tsyɛ izĩ mɛibe nɛ wɔnɔ ɛtakpu.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Banɔkpɛkpɛ Axɔ̃ɛ 26:16

‘Otsi alɛ lɔzã wɔɛtsɛɖɛ abha. Ibu mɛishu kasɛ wɔ, ɔsɛ tɛ̀ ibu wɔ asɛ axɔ̃ɛdɛ, nɛ̀ asɛ anɔ gɛ abaɖɔaɖɔ, nɛ kɛgɛ wɔmɔ nɛ mɛishuɔ, nɛ̀ kɛgɛ ɛzɛbà bùkasɛ wɔ shu.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 4:12

Batɛ bamɔ anɔ yɛyɛkɛ elù nɛ̀ ɛkpã ɔgana ananà abha, ɔmɔsɛ kinyè nanà bhama kanɔ alɛ mɛ gɛ babà alɔkɔ ayɛkɛ bɔlɔ elu nɛ̀ ɛkpã nɔ.”

Banɔkpɛkpɛ Axɔ̃ɛ 1:25

ɔsɛ tɛ abavɛ banɔkpɛkpɛ axɔ̃ɛ wɔawɔa nabha gɛ Yuda ashɛnɛ ahɔɛ elú pɛ avɛ ɛkɛlɛ gɛ ashɔnɔ asɛ tɛ avɛɛ.

Banɔkpɛkpɛ Axɔ̃ɛ 1:17

Yuda edzi bɔlɔ ɔmayɛmɛ tenikpo, kɛlɛ bakɔɛ ɔzãkɔ nɛ bɔlɔ axɔ̃ɛdɛdɛ alɛ mɛ.”

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.