Koloseanɛ 1:17 - Nyangbo New Testament

¹⁷ Yɛalɛ flogo pɛ bɔdɔ̃ petee babà, kɛlɛ yɛmɛ bɔdɔ̃ petee nyana agɔlɔ vunɔ.

Koloseanɛ 1:17 Referans Kwoze

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Korintoanɛ 1 8:6

pɔ nɛ bɔlɔkɔ xɔnɔ, Owusoso Akaa tenikpo yɛalɛ, Akaa, gɛ denɔ yɛabha kɛka nyia ka de koeyì, pɛ yɛ bɔlɛ nɛ ɛkpã ɔkɔɔ, pɛ kana Apalete tenikpo tsyɛ yɛalɛ gɛenu Yesu Kristo, gɛ gana yɛabha kɛka nyia ka de koeyì pɛ ganà yɛabha bɔlɛ nɛ ɛkpã.

Banɔkpɛkpɛ Axɔ̃ɛ 17:28

Asɛ kana gɛ bagɛ bafatɛ ɛdzɛ nɛ wɔnɔ ɛshiɛ aɖɔ asɛ, ‘Ɔmɔsɛ yɛmɛ bɔlɛ nɛ̀ ɛkpã pɛ bɔfalà pɛ bɔlɛ ishu ahɔɛ mɛ.’ ‘Yɛmɛ bude koeyì.’

Kibui Bubú Kasɛ 1:8

Apalete Owusoso Akaa aɖɔ asɛ, “Mɛinu agɛ Eputɔ nɛ̀ Agɔgɔɛ nɔ tsyɛ, gɛ ɛlɛ otsiɛ, pɛ ɛtɛzã ɖi, pɛ ɛzɛbàbaa, mɛinu Ohumieleteɛ.”

Koloseanɛ 1:15

Yesu yɛakpasɛ Owusoso Akaa gɛ bɔtɛ mɔɔ tɛlɛlɛ mɛ, eyi gɛiputɔ gɛ bamɔ̃ pɛ aŋã bɔdɔ̃ bhɛbhɛtɛ petee abha.

Kibui Bubú Kasɛ 1:17

Gɛ ɛmɔ yɛ, izhi kumu nɛ yɛotugbà ɔmɔ asɛ anɔtsitsí ana. Pɔ alɔkɔ yɛŋã ahɔɛ atɔɖɔ mɛabha pɛ etseɖe mɛasɛ, “Tɛ osí ifu. Mɛinu agɛ Eputɔ nɛ̀ Agɔgɔɛ nɔ.

Hebrianɛ 13:8

Yesu Kristo tenikpo alɛ gɛ azã ivũɔ, yɛalɛ oboɔ nɛ̀ tihɔɔ.

Kibui Bubú Kasɛ 2:8

“Fɔnɔ ebui alɛ ɔsɛsɛ axɔ̃ɛdɛ nɛ Smirna ɔha mɛ. Anɔ nɔ̀ gɛenu anɔ gɛ Eputɔ nɛ̀ Agɔgɔɛ nɔ, gɛ etsí pɛ azamɔ ɛkpãa, nɛibui nɛlɛ.

Kibui Bubú Kasɛ 1:11

kaɖɔ asɛ, “Fɔnɔ kɛgɛ ɔmɔ ɔtɔɖɔ eplukpa abha ɔsɛsɛ baha tegegeneɛ gɛ alɛ Efeso, Smina, Pergamo, Tiatira, Sardis, Filadelfia nɛ̀ Ladokia.”