Koloseanɛ 1:14 - Nyangbo New Testament

¹⁴ anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Koloseanɛ 1:14 Referans Kwoze

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Hebrianɛ 9:22

Kibui gbã kinu nɛ ɔsha nulũ ɔsɛ tɛbalɔkɔ dzyosu adalɛ kɛka nyia ka shu nɔ, kɛlɛ onupɛ dzyosu agɛ balɛ nɛ esiɛ, kibui tɛlɔlɔkɔ otsye nanà tsyɛ ma.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Yohanes 1 2:12

Ɛfɔnɔ ebui alɛ kɔ wɔnɔ, mɛeyi alɛ gɛ ɛdɛmɛ nɔ ɔmɔsɛ balɔkɔ wɔnɔ ebui kpa etsye wɔnɔ nɛ yɛinye nɛtakpu.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Timoteo 1 2:6

anɔ gɛ alɔkɔ yɛ ɛkpã akɔ nɛ banunɔ petee takpu-kibui gɛ badalɛ kɛlɛishu nɛ kɛlɛ ibè gbangbã mɛ.

Koloseanɛ 2:13

Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Efesoanɛ 4:32

Nɔbhɛtɛ ɛyamɛ gbangbã tɛ nɔdɛmɛ nɔ nɛ̀ bagɔlɔ, nɔlɔkɔ kibui otsye agɔlɔ, asɛ kana gɛ ɔgana Kristo mɛɛ, Owusoso Akaa alɔkɔ etsye ɔnɔ.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Koloseanɛ 3:13

Nɔolũ agɔlɔ esi tɛ̀ nɔlɔkɔ ɔmɔpɔɛ ebui nɔnɔ gɛ ɔkpasɛ wɔnɔ ɛshiɛ otsye agɔlɔ. Nɔlɔkɔ tsye asɛ kana gɛ Apaleteɛ tsyɛ alɔkɔ etsye ɔnɔ ana.

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Yohanes 1 1:9

Onupɛ bɔɖɔ ebui kpa gɛ bɔbhɛtɛ, enu anɔ gɛ aɖɔ kibui gbã ɔsɛ, abalɔkɔ bɔlɔ ebui kpa bhɛbhɛtɛ etsye bɔlɔ tɛ̀ eplu ɔlɔ odenɔ ebui kpa bhɛbhɛtɛ mɛ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Kibui Bubú Kasɛ 14:4

Balɛ enu anɔ gɛ bagɛ dɛ badzɛ̃ shu eɖi, kɛlɛ bazã ishu dadalɛ mɛ. Bazã Obhoshieyi niede avɛ ɔkɔ nyia ɔkɔ gɛ avɛɛ. Bedzi alɛ edenɔ banɔ gelee ishi, kɛlɛ balɔkɔ alɛ akɔ Owusoso Akaa nɛ̀ Obhoshieyiɛ, ɔmɔ asɛ busieyuyu gɛ bapɔ eputɔ ana.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.