Koloseanɛ 1:13 - Nyangbo New Testament

¹³ Ɔmɔsɛ yɛebu ɔlɔ odenɔ otumũ mɛ kabha ŋaŋã esi, kɛlɛ agbanà ɔlɔ amana Yɛeyianyɛ gɛ adɛmɛnɔ bukusi ɔŋãkɔ,

Koloseanɛ 1:13 Referans Kwoze

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Efesoanɛ 4:18

Balɛ ebui esi lulũɔ mɛ eku otumũ, kɛlɛ bebu ishu ɔtɔ nɛ Owusoso Akaa ɛkpã shu, nɛ kibui matì matiɛ gɛ kpasɛ alɛ mɛ, nɛ gɛ bagagalĩ balɛ etúɔ mɛ so.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Yohanes 1 3:14

Bunyi sɛ̀ budekoeyì nɛ butsi mɛ ba ɛkpã mɛ, ɔmɔsɛ bɔdɛmɛ bɔlɔ adzya alɛ ibui. Anunɔ gɛ atɛ adɛmɛ nɔ nɛ̀ anɔ akakpasɛ butsì mɛ.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.

Yohanes 1 2:8

Pɔ ɛfɔnɔ ɔsha vɔvɔ kɔ wɔnɔ, bɔmɔ ɛlɛ ebui gbã nɛ yɛ nɛ̀ wɔnɔ mɛ, ɔmɔsɛ otumũ nulũ ɔbafala kɛlɛ kifúigbã vɛlɛ dɛkɛ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Efesoanɛ 1:6

ɔkɔ yɛinyeɛ tɛkpɛkpɛ nɛitití nɛ̀ tibhui bhuibu dadalɛ gɛ alɔkɔ akɔ ɔlɔ kɛbhɛ mabuia mabuia ɔgana agɛ yɛadɛmɛ nɔ nabha.

Korintoanɛ 2 11:14

Kɛlɛ kɛgɛ bhɛtɛ kibi, ɔmɔsɛ Satana tsyɛ abhɛtɛ̀ yɛishu asɛ axɔ̃ɛdɛ dadalɛ ana.

Efesoanɛ 5:5

Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.