Koloseanɛ 1:10 - Nyangbo New Testament

¹⁰ Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Koloseanɛ 1:10 Referans Kwoze

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Yohanes 1 3:22

asɛ bɔbà yɛkɛ kɛka nyia ka gɛ bubusì odenɔ yɛahɔɛ mɛ, ɔmɔsɛ bulũ batɔ̃ akɔ yɛɔsha pɛ bɔbhɛtɛ kɛgɛ kikù yɛawɔ nabha.

Tesalonikanɛ 1 4:1

Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 2 1:8

Ɔmɔsɛ onupɛ ɛkpã gbangbã ɛlɛ nɛidi lɛ wɔnɔ ahɔɛ nɛ tikpekpè mɛɛ, kɛbà kɔ ɔsɛ wɔnɔ axɔ̃ɛ wɔawɔa avɛ kabha nɛ bɔlɔ Apalete Yesu Kristo yɛibui titìɛ mɛ.

Koloseanɛ 2:6

Klisoɔ, asɛ kana gɛ nɔ yɛkɛ Yesu Kristo asɛ Apalete ana, nɔvɛ̀ ɛlɛ abha tɛ̀ nɔzã yɛ mɛ,

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Koloseanɛ 4:5

Nɔotì bubutì idzoɔ gɛ nɔbɔ lɔkɔ ɔkpɛ ɔha nɛ̀ bagɛ agɛ yɛkɛ aŋãa, nɔwɔa kibè ka nyia ka gɛ nɔmɔ̃ shu ɛxɔ̃ɛ piapii.

Efesoanɛ 5:15

Nɔoɖi piapii nɛ kana gɛ nɔodzinɔ wɔnɔ ɛkpã shu-nɔtɛ zã asɛ bagɛ etinyi ibui, pɔ asɛ bagɛ enyi ibui ana,

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Korintoanɛ 2 2:14

Pɔ ahɔɛhuhu yɛenu Owusoso Akaa ayɛ, anɔ gɛ agbana bɔlɔ kibe nyia be sɛ tɛ bɔŋã kabha nɛ Kristo mɛ, kɛlɛ gana bɔlɔ abhaa yɛ bubutì kɛlɛɛ huhuhuɔ fu vɛ ɔkɔ nyia ɔkɔ.

Romanɛ 6:4

Kliso bavɔbɔ ɔlɔ nii ɔgana bulĩ kpɛkpɛ mɛ ɔvɛnɔ butsí mɛ, sɛ tɛ kɛzã ɔmɔ asɛ kifeke gɛ befeke Kristo edenɔ bekpuɔ mɛ ɔgana Yɛakaa ishu dadalɛ mɛɛ, sɛ tɛ bɔlɔ tsyɛ zã nɛ ɛkpã vɔvɔ.

Efesoanɛ 5:10

ɔmɔsɛ busi eyuyuɔ gɛenu tɛdadalɛ akpasɛ ebuiɛ gɛ apɛ̃ petee mɛ, kibui gbagbã bhɛbhɛtɛ, nɛ̀ kibui igbã.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Tito 3:1

Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Koloseanɛ 3:20

Bunuvɔɛ nɔ, nɔolũ atɔ̃ ɔkɔ wɔnɔ elĩ nɛ̀ wɔnɔ akaalɛ nɛ kɛka nyia ka mɛ, ɔmɔsɛ kɛlɛ ku Apalete nawɔ̃.

Efesoanɛ 4:13

odiyinɔ ɔsɛ bɔlɔ petee tɔnɔ tenikpo bhɛbhɛtɛ nɛ tɛyɛyɛkɛŋã mɛ, nɛ̀ Owusoso Akaa Yɛeyiɛ kibuititiɛ mɛ pɛ bushè, pɛ bɔlɔ tɛzazã petee tsyinà gɛ ná nɛ Kristo mɛ.

Hebrianɛ 11:5

Tɛyɛyɛkɛŋã mɛ kide sɛ befeke Henox avɛnɔ itití nɛ yɛkpã mɛ, egitsí so bagɛlà amɔɛ, ɔmɔsɛ Owusoso Akaa yɛefeke ashɛnɔ. Flogo tɛ befeke yɛɛ, edzi anunɔ gɛ yɛibui ku Owusoso Akaa awɔ̃.

Timoteo 2 2:4

Anɔ nanà atɛwɔa axɔ̃ɛ asɛ keyuadɛ ana, pɛ aza lɔkɔ yɛishu akpɛ kɛxɔ̃ɛ bhlatɔ wɔawɔa mɛ, onupɛ apɛ asɛ tɛ eku yɛanɔ gbagbla nawɔ̃.

Koloseanɛ 2:19

Ayala idzoɔ gɛ kpasɛ yɛ nɛ agɛ yɛenu Kɛtakpuɔ nɛishi, anunɔ gɛ yɛ mɛ ishudzya petee nyana agɔlɔ ovunɔ pɛ lɛkpɛ tsà nɛ̀ tɛzɛ̃ɛ, pɛ lishe asɛ kana gɛ Owusoso Akaa abhɛtɛ asɛ lisheɛ.

Filipianɛ 4:18

Ɛtɛ yɛkɛ mɛ ɛbhɛ babuia petee, kɛlɛ bazabà buia ɛlɛ atɔɖɔ akɔ mɛ ɔdɛ, baakɔ mɛ bɔdɔ̃ kpekpe, pɔ otsi ko mɛ yɛkɛ bɔdɔ̃ gɛ nɔ sɛsɛ mɛ ɔganà Epafrodito abha. Bunu bɔdɔ̃ gbangbã kɔkɔ, bɔdɔ̃ pɔpɔɛ gɛ kɛlɛ sɛ bayɛkɛ, gɛ buku Owusoso Akaa awɔ̃.

Efesoanɛ 1:17

Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Korintoanɛ 2 9:8

Kɛlɛ Owusoso Akaa abalà kɔ wɔnɔ tibhui bhuibuɔ kpè tɔɖɔ, sɛ tɛ̀ nɛ ebuiɛ pete mɛ nɛ kibè ka nyia ka mɛɛ, gɛ kɛka nyia ka gɛ nɔpɛ nɔ lɛ wɔnɔ ahɔɛ soɔ, nɔbɔ lɔkɔ wɔnɔshu ɔkpɛ kɛxɔ̃ɛ gbangbã ka nyia ka wɔawɔa mɛ.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Romanɛ 4:12

Kɛlɛ yɛenu Akaa akɔ bagɛ bebhui kɛhɔ̃a, gɛ anɛ kɛhɔ̃a ete ko bebhui, pɔ bagã nɛ Abraham yɛtɛyɛyɛkɛŋã idzo ɛlɛ nabha flogo pɛ ebebhui kɛhɔ̃a.

Romanɛ 1:13

Mɛelɛ alɛ mɔ, ɛpɛ sɛ tɛ kɛzã tititì mɛ kɔ ɔnɔ ɔsɛ anɛ obo mɛtɔɖɔ wɔnɔ ɔkɔ tɛbaba ibui flogo (pɔ ɛgɛzɛmɔ ɛdzo ɔmana otsiɛ) tɛ mɛmɔ ɛdzo tɛ mɛibu atɔwui nɛ ɔnɔ mɛ, asɛ ibu gɛ itibu atɔwui teli gɛ letinu Yudanɛ nɛ ɛkɔ tili ana.

Korintoanɛ 2 5:9

Klisoɔ, kinu kibui gɛ bɔtɔɖɔ sɛ bɔpɛ sɛ tɛ buku yɛawɔ, gɛ onupɛ edzi asɛ bɔkpasɛ bɔpãlɛ ginu ishudzya alo onupɛ bɔma bɔlɛ mɛ tsyɛ.

Yohanes 3 1:6

Baɖɔ wɔtɛdɛdɛmɛ nɔ etseɖe ɔhaa. Ebedzi kibui piapi akɔwɔ ɔsɛ tɛ̀ ɔtɔɖɔ alɛ nɛ kidzoɔ gɛpɛ̃ ɔkɔ Owusoso Akaa nabha.