Kibui Bubú Kasɛ 1:3 - Nyangbo New Testament

³ Tiyuyula ɔkɔ anunɔ gɛ aakalà ebuiɖɔluanɔ ebui alɛ, kɛlɛ tiyuyula ɔkɔ banunɔ gɛ belũ alɛ pɛ bayɛkɛ kɛgɛ bafɔnɔ eluɔ akpɛ itúɔ mɛ, ɔmɔsɛ kibeɛ tsu ba.

Kibui Bubú Kasɛ 1:3 Referans Kwoze

Kibui Bubú Kasɛ 22:10

Kɛlɛ etseɖe mɛasɛ, “Tidere ɔdɔ̃ nɛ ebui alɛ gɛ baɖɔ elu nɛ eplukpa alɛ mɛ ulũ, ɔmɔsɛ kibeɛ tso ba.

Romanɛ 13:11

Nɔbhɛtɛ kɛlɛ tɛ nolũ kibeɛ mɛ gɛ bɔkpasɛ otsiɛ nɔ. Ɔmɔsɛ kibeɛ na ɔkɔ ɔnɔ ɔsɛ tɛ nɔnyɛmɛ odenɔ wɔnɔ taɖa dɔdɔ mɛ, ɔmɔsɛ bɔlɔ tibubu ibeɛ itsu plɛnɔ ɔlɔ ɔdɛ kibeɛ gɛ bulũ kibuiɛ pɛ bɔyɛkɛŋãa.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Kibui Bubú Kasɛ 22:12

“Noɖio, ɛɛba otsiɛ tsĩɔɔ! Ivũnɔ kɛbhɛ gɛ ɛbabuia nɔ, kɛlɛ ɛbakɔ anɔ ka nyia ka nɛ kɛbhɛtɛ gɛ abhɛtɛ nulũ.

Petro 2 3:8

Mɛ ɔbhia alɛ gɛ ɛdɛmɛ nɔ, pɔ nɔtɛ̀ dzɛkɛ kibui tinikpo ɛlɛ ɔsɛ̀, “Nɛ apaleteɛ namɛ, kiwui tinikpo dzì asɛ agɔ ihotu, kɛlɛ agɔ ihotu tsyɛ dzì asɛ kiwui tinikpo ana.

Kibui Bubú Kasɛ 22:20

Anɔ nɔ̀ gɛ aɖɔaɖɔ adalɛ ebui alɛ shuɔ aɖɔ asɛ, “Ee, ɛɛba otsiɛ tsĩɔɔ.” Amen, Apalete Yesu ba.

Romanɛ 13:12

Elishibeɛ fala, kɛlɛ keli aza nɛ ɔlɔ ebeke, kliso nɔkɔ bɔshɛ nɛ ahɔɛ nɛ otumũ mɛ ebui bhɛbhɛtɛ shu, tɛ bɔlɔkɔ keyudɔ̃ dadalɛ kpàta.

Kibui Bubú Kasɛ 3:11

Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.