Kibui Bubú Kasɛ 1:2 - Nyangbo New Testament

² Yohanes adalɛ kɛka nyia ka mɛ gɛ amɔɔ, gɛinu Owusoso Akaa ibuiɛ nɛ̀ Yesu Kristo yɛishu dadalɛ shu.

Kibui Bubú Kasɛ 1:2 Referans Kwoze

Korintoanɛ 1 1:6

ɔmɔsɛ ebuiɛ gɛ bɔɖɔ nɛ Kristo shuɔ awɔɛ nɛ wɔnɔ ɛkpã mɛ.

Kibui Bubú Kasɛ 12:17

Kɛtsɔpɛ hohoeɛ kpɛ ɔmɔpɔɛ nyagã nɛ adzɛ shu, kɛlɛ kikoeyi vɛ sɛ dɛtá eyu nɛ̀ adzɛ yɛeyi alɛ gɔgɔ̃ɛ nɔ-gɛ abhɛtɛ nɛ Owusoso Akaa yɛɔsha nabha pɛ banyana ebui dadalɛ mɛ nɛ Yesu shu evunɔɔ.

Yohanes 1 1:1

Kibuiɛ gɛ zã odenɔ kanɔ nɔ̀ esiɛ ɔkpɛkɔɔ, gɛ butilũ ɖiɛ, pɛ bɔtɛ mɔɖi tsyɛ nɛ̀ bɔlɔ awuhũɔ, pɛ bulu awɔ̃ oɖi pɛ bɔlɔ ɛhɔɛ tsyɛ hunùɔ, ebui alɛ bɔɖɔ tseɖe wɔnɔ nɛ ɛkpa Ebuiɛ shu.

Kibui Bubú Kasɛ 1:19

Kliso, fɔnɔ agɛ ɔmɔ̃ɔ. Agɛ alɛ otsiɛ nɔ nɛ̀ agɛ abàba nɛ idegba olu.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Banɔkpɛkpɛ Axɔ̃ɛ 26:16

‘Otsi alɛ lɔzã wɔɛtsɛɖɛ abha. Ibu mɛishu kasɛ wɔ, ɔsɛ tɛ̀ ibu wɔ asɛ axɔ̃ɛdɛ, nɛ̀ asɛ anɔ gɛ abaɖɔaɖɔ, nɛ kɛgɛ wɔmɔ nɛ mɛishuɔ, nɛ̀ kɛgɛ ɛzɛbà bùkasɛ wɔ shu.

Kibui Bubú Kasɛ 6:9

Gɛ adalɛ adadã trimiɛ, ɛmɔ bagɛ beyí nɛ Owusoso Akaa ibui nɛtakpu, nɛ̀ bagɛ anyana yɛibui dadalɛ mɛ evunɔ, balɛ atɔwuiɛ nɛ bɔdɔ̃ pɔpɔɛ osubha niesi.

Yohanes 1 4:14

Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.

Korintoanɛ 1 2:1

Mɛelé alɛ mɔ, gɛba wɔnɔ ɔbha, ɛgɛba asɛ anɔ gɛenyi kaɖɔ ɖɔɖɔ piapii alo asɛ anɔ gɛ yɛ bubutì vɛ otugbà ana, nɛ kibeɛ gɛ itseɖe wɔnɔ ebuiɛ gɛ ɛzɛ mɔ nɛ Owusoso Akaa shu.

Banɔkpɛkpɛ Axɔ̃ɛ 4:20

Pɔ, bɔtɛ balà yɔlɔ kaɖɔɖɔɖɔ nɛ agɛ alɛ bɔmɔ pɛ buluɔ̃ shu.”

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.

Yohanes 3 1:12

Anɔ ka nyia ka aɖɔ ebui gbangbã nɛ Demetrio shu, kibuiɛ tsyɛ ɖɔaɖɔ gbangbã nɛishu ana. Bɔlɔ tsyɛ ɖɔaɖɔ gbangbã nɛ yɛishu, kɛlɛ nɔonyi ɔsɛ bɔlɔ kibuiɛ gɛ bɔɖɔ dalɛ yɛishuɔ nu kibui gbã.

Banɔkpɛkpɛ Axɔ̃ɛ 22:15

Wɔbodzì anɔ gɛ ɔbɔɖɔaɖɔ ɔdalɛ yɛishu ɔkɔ banunɔ petee nɛ kɛgɛ ɔmɔ pɛ olũɔ shu.

Kibui Bubú Kasɛ 1:11

kaɖɔ asɛ, “Fɔnɔ kɛgɛ ɔmɔ ɔtɔɖɔ eplukpa abha ɔsɛsɛ baha tegegeneɛ gɛ alɛ Efeso, Smina, Pergamo, Tiatira, Sardis, Filadelfia nɛ̀ Ladokia.”

Kibui Bubú Kasɛ 20:4

Ɛmɔ bagɛ bakɔ alɛidzo asɛ tɛ bekulu ubhuɔ bazã beekusi ugbu abha. Kɛlɛ ɛmɔ bagɛ alɛ atakpu bebhuiɛ atɔwuiɛ, bagɛ bazaɖɔaɖɔ adalɛ Yesu nɛ̀ Owusoso Akaa yɛibuiɛ shu soɔ. Bagɛ kpɛ ɛtakpu esi akɔ agãhoeɛ alo yɛafafatɛ, kɛlɛ bagɛ yɛkɛ yɛná tsatsà nɛ butúɔ alo ɛhɔɛ tsyɛ. Bazã nɛ̀ ɛkpã, kɛlɛ baŋã ukusi aplɛnɔ Kristo agɔ ohotu zɛzɛ̀.

Kibui Bubú Kasɛ 22:21

Apalete Yesu tibhui bhuibu zã ɔplɛnɔ Owusoso Akaa yɛeyi alɛ oo. Amen.