Hebrianɛ 9:28 - Nyangbo New Testament

²⁸ kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Hebrianɛ 9:28 Referans Kwoze

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Romanɛ 6:10

Butsíɛ gɛ etsíɛ, ebui kpa yɛetsí bɔlɛ akɔ, nɛ kibe nyiɛ be ulũ, pɔ ɛkpã gɛ edzinɔɔ, alɛ ɛlɛ akɔ Owusoso Akaa.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Banɔkpɛkpɛ Axɔ̃ɛ 1:11

Pɛ baɖɔ asɛ, “Galileanɛ, kiɖe gɛkɔ ɔsɛ nozhioli pɛ noɖi kɛlɛɛ nɔ mɛ ana dza? Yesu alɛ gɛ befeke ashɛnɔ nɛ wɔnɔ ɔbha avɛnɔ kititiɛ, aza babà asɛ kɛmɔ gɛ nɔmɔ yɛ pɛ avɛ kititíɛ ana.”

Tesalonikanɛ 1 1:10

nɛ tɛ buupo Yɛeyianyɛ gɛ ede kititiɛ anɔ gɛ anyɛmɛ edenɔ bekpuɔ mɛ, Yesu, gɛ ayɛkɛ bɔlɔ edenɔ ɔmɔpɔɛ nɔ gɛ lɔbaa shu.

Petro 2 3:12

nɛ kibèɛ gɛ nɔoɖì idzomɛ ɔkɔ Owusoso Akaa iwuiɛ tɛbaba tsĩɔɔ nɔ. Kiwui ɛlɛ kifu bazĩ kititì ɔdɔ̃, kɛlɛ kititì ɔdɔ̃ balolò ganà kɛkpɛkpɛ hohoe mɛ̀.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Korintoanɛ 1 15:54

Onupɛ balɔkɔ ishupiɛ gɛtɛ bàtsɔmɔ akpɛkpɛ akpɛ akɔ ishupiɛ gɛbà tsɔmɔ̃ɔ, pɛ balɔkɔ ishupiɛ gɛbàzã tihɔɔ akpɛkpɛ akpɛ kɔ ishupiɛ gɛtɛ bàzã tihɔɔ nɔ, kɛlɛ kibuiɛ gɛ bafɔnɔ elúɔ babà kɛlɛ mɛ ɔsɛ, “Bamɛnɔ butsi edenɔ kabhaŋaŋã mɛ.”

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Tesalonikanɛ 2 2:1

Nɛ Apalete Yesu tɛbaba nɛ̀ bɔlɔ tishoshogò nɛ̀ yɛishuɔ, bubisi wɔnɔ, badzya,

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Romanɛ 5:15

Pɔ kɛdɔ̃ kɔkɔ ɛlɛ gã ɔtɔ nɛ Adam esitata shu. Onupɛ banɔ gelee betsí aganà anɔ tenikpo alɛ gɛ ata esi soɔ, kiɖeso pɛ Owusoso Akaa yɛtibhui bhuibu nɛ̀ kɛdɔ̃ kɔkɔ gikoeyi odenɔ tibhui bhuibu odenɔ anyɛ tenikpo alɛ, gɛ enu Yesu Kristo, gɛ atsakɛ afala nɛ banunɔ nyɔ̃ɔ mɛ.

Hebrianɛ 9:25

Kristo agɛvɛ ititíɛ sɛ tɛ ewlui adɛ̀ alɔkɔ yɛishu akɔ edzinɔ akɔ, ɔmɔ asɛ kitsoku gɛ banɔlũazazã gbagbla etsoku Ɔdadalɛ Ɔkɔ Ɔdɛ kɛgɔ nyiɛ gɔ nɛ̀ dzyosu gɛ etinu yɛahɔɛ ayɛ yɛenuɔ.

Romanɛ 3:25

Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 12:14

Nɔgã idzo ka nyia ka abha tɛ nɔzã nɛ ishu yɔyɔ mɛ nɛ̀ anɔ ka nyia ka tɛ wɔnɔ shu dalɛ, ɔmɔsɛ onu anɛ tɛdadalɛ mɛɛ, anɔ nanà atɛ balà amɔ Apaleteɛ.

Yuda 1:21

Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.