Hebrianɛ 9:26 - Nyangbo New Testament

²⁶ Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Hebrianɛ 9:26 Referans Kwoze

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Hebrianɛ 1:2

pɔ nɛ ewui gɔgɔ̃ɛ alɛ mɛɛ, aaɖɔaɖɔ akɔ ɔlɔ ɔgãna Yɛeyi nabha, anunɔ gɛ alɔkɔ edzu yɛaŋãsi mɛɔdɔ̃ nulũ, kɛlɛ yɛabha yɛagã abhɛtɛ kanɔ nɔ̀ mɛ.

Hebrianɛ 10:4

ɔmɔsɛ banɛtsyɔɛ nɛ̀ bepidzya dzyosu atɛ balà ebu ebui kpa atɛ ɖa.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Kibui Bubú Kasɛ 17:8

Agãhoeɛ gɛ ɔmɔɔ, atɛzã eɖi, otsiɛ xɔnɔ abha ma, kɛlɛ ebekoeyì ede ozĩ dzudzuɔ mɛ aba pɛ bebèyíi. Banunɔ gɛ alɛ esiakpa nabha, pɛ bagɛ fɔnɔ balɛ enye akpɛ ɛkpãelete nɛeplukpa mɛ odenɔ kibeɛ gɛ kanɔ alɛ akpɛ esiɛ, kɛbabhɛtɛ alɛ ibi, onupɛ bamɔ agãhoeɛ. Ɔmɔsɛ atɛzã eɖi kɛlɛ abha ma, pɔ azababa.

Hebrianɛ 4:3

Bɔlɔ agɛ yɛkɛŋã xɔnɔɔ, nɔkɔ butsoku omoelekɔ ɔlɛ, asɛ kɛɖɔ gɛ Owusoso Akaa aɖɔ asɛ, “Kliso ɛtana bɔdɔ̃ nɛ mɛɔmɔpɔɛ mɛ ɔsɛ, ‘Beti betsoku mɛomoelekɔ ɔlɛ oɖi.’ ” Pɔ awɔa yɛxɔ̃ɛ ebeke odenɔ kanɔ mɛ bhɛbhɛtɛ ibe ke.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Korintoanɛ 1 10:11

Ebui alɛ aba balɛ abha sɛ tɛ balɔkɔ amɔ elu, kɛlɛ bafɔnɔ alɛ elú sɛ tɛ balɔkɔ etseɖe nɔ nɛ bɔlɔ, bɔlɔ bagɛ ebuiɛ gɛ bafɔnɔ eluɔ aba bɔlɔ abha.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Hebrianɛ 10:26

Onupɛ bútì ibuiɛ gɛlɛ ɛlɛ ɔzãkɔ, flogo pɛ bɔkà tsodzi vɛ ebui kpa bhɛbhɛtɛ abhaa, kɛlɛ bɔdɔ̃ pɔpɔɛ nanà bhama ɔkɔ ebui kpaa tibubu tɛ,

Galatianɛ 4:1

Kibuiɛ gɛ ɛɖɔ kɛlɛinu ɔsɛ, gɛ agɛ abaŋã kaŋãsiɛ ekenu anuvɔɔ soɔ, agɛ gã ɔtɔ nɛ anɔ dzidzi shu, gɛ bevũɔ petee pɔ enu yiayɛ flogo.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.