Hebrianɛ 9:24 - Nyangbo New Testament

²⁴ Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Hebrianɛ 9:24 Referans Kwoze

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 9:23

So awuhũ dzadzã ibui kidzi sɛ tɛ balɔkɔ ɔdɔ̃ pɔpɔɛ adalɛ ɔdɔ̃ gɛ budzi asɛ kitití uyɛ ɛtɔwuiɛ ana shu. Kitití udɔ̃ pɔɔ, bɔdɔ̃ gɛ balɔkɔ adalɛ bɔlɛishu nɔɔ, pɛ̀ dɛ ɔlɛ.

Hebrianɛ 8:2

pɛ adɛ axɔ̃ɛ nɛ ɔdadalɛ ɔkɔ, trɛwɔɛagba gbangbã gɛ Apaleteɛ alɔkɔ yɛahɔɛ edzu nɔ, gɛ ketinu anɔdzyrame yɛedzu alɛ.

Koloseanɛ 3:2

Nɔlɔkɔ wɔnɔ ekpeɖekpeɖeɛ ɔtɔɖɔ ɔdɔ̃ gɛide ititíɛ nabha, pɔ anɛ kesiakpa ɔdɔ̃ nabha.

Romanɛ 8:33

Afana gɛ abalà alɔkɔ kibui nɛ Owusoso Akaa anunɔ gɛ ebu eluɔ shu? Owusoso Akaa yɛebu utsyɔa akɔ banɔ.

Banɔkpɛkpɛ Axɔ̃ɛ 3:21

Kɛlɛ ɔsɛ tɛ Yesu azã kititiɛ, ɔvɛnɔ sɛ kibeɛ na ɔsɛ tɛ Owusoso Akaa edzinɔ kɛka nyia ka ewoese, asɛ gɛ atɔɖɔ elú abafalanɔ ɔgana yɛebuiɖɔlunɛ gɛ balɛishuɔ dalɛ nabha.

Kibui Bubú Kasɛ 8:3

Axɔ̃ɛdɛ bhlatɔ gɛ evunɔ sikã ilifi itsikpi nɔ tsyɛ aba, pɛ alɔɛtití nɛ bɔdɔ̃ pɔpɔɛ osubha shu. Bakɔɛ ilifi gelee sɛ tɛ alɔkɔ aplɛnɔ banɔ dadalɛ balɛ Akaa tikukulu, atɔɖɔ sikãosubha gɛ ɔlɛ ekusiegbuɔ otugbà nabha.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Hebrianɛ 9:9

Kinu udɔ̃ kakasɛ ɔlɔkɔ shɔnɔ nɛ kibe ɛlɛ shu, sɛ ɔdɔ̃ kɔkɔ nɛ̀ bɔdɔ̃ pɔpɔɛ nɔ gɛlà dalɛ bagɛ azakpɛ ɛtakpu esiɛ etú mɛ ebuiɛ shu.

Hebrianɛ 8:5

Badɛ axɔ̃ɛ nɛ trɛwɔɛagba ɔdadalɛ ɔkɔ, gɛ lodzi asɛ kitití ɔyɛ nɛ̀ kɛtɔwui nɛidi ana. Kliso pɛ Owusoso Akaa ebui ɛlɛ mɛ akɔ Mose nɛ trɛwɔɛagbaa tidzudzuɔ shu asɛ, “Ɖi kɛlɛ ɔkɔ ɔsɛ ɔbhɛtɛ kɛka nyia ka kɛna asɛ kɛgɛ bebu akasɛ wɔ nɛ butu nabha.”

Hebrianɛ 6:20

nɛ ɛkɛlɛ gɛ Yesu eputɔ editsoku nɛ ɔlɔ inye mɛ. Etsyina edzi banɔlũazazã gbagbla tihɔɔ ɔmɔ asɛ Melxizedek ana.

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Korintoanɛ 2 5:1

Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 9:1

Nɛ kibe ɛlɛ, ɔsha zã olugbũ nyanyã kukuɔ shu ɔkɔ ɛtakpu esi kpɛkpɛ nɛ esiakpa trɛwɔɛagba mɛ.