Hebrianɛ 9:19 - Nyangbo New Testament

¹⁹ Kliso onupɛ Mose akalà ɔsha ka nyia ka akɔ banunɔ pete nɔ, azalɔkɔ banɛtsyɔɛeyi dzyosu, bulĩ nɛ̀ obhoshi tɛkã dzadzã ɔlɔkɔ plɛnɔ hisɔp (tɛwɔa tili gɛ Yudanɛ alɔkɔ eshu ɔkɔ nɔ) shu pɛ alɔkɔ azahɔ̃ɛ nɛ keplukpa nɛ̀ banunɔ abha.

Hebrianɛ 9:19 Referans Kwoze

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Hebrianɛ 10:4

ɔmɔsɛ banɛtsyɔɛ nɛ̀ bepidzya dzyosu atɛ balà ebu ebui kpa atɛ ɖa.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 12:24

Yesu gɛ evũ iboe nɛ̀ olugbũ nyanya vɔvɔ, nɛ̀ dzyosu hɔɛhɔ̃ɛ gɛ aɖɔaɖɔ gbangbã ɔdɛ Abel dzyosu nɔɔ.

Hebrianɛ 1:1

Nɛ kuku ibeɛ, Owusoso Akaa azaɖɔaɖɔ aganà ebuiɖɔluanɛ nabha akɔ ɔlɔ ashuĩ alɛ gelee nɛ edzo edi edi abha,

Hebrianɛ 9:13

Bepidzya nɛ̀ banɛtsyɔɛ dzyosu, nɛ̀ banɛtsyɔɛelĩ pɔpɔɛ ɔtɔ̃ɔ gɛ balɔkɔ ahɔɛ nɛ bagɛ balɛishu gɛ dalɛ shuɔ sɛ tɛ balɛishu dalɛ nɛ ishupi mɛ ete.

Hebrianɛ 9:18

Kɛlɛ so onupɛ bagɛmɔ dzyosu nɔ, bagɛzɛ eshu olugbũ nyanyã gɛoputɔ ɔkɔ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.