Hebrianɛ 9:14 - Nyangbo New Testament

¹⁴ Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 9:14 Referans Kwoze

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Petro 1 1:19

Pɔ nɛ Kristo dzyosu dadalɛ gɛenu obhoshi eyiɛ gɛ ɔkɔ nanà ogizĩ nɛ ɔlɛ shuɔ mɛ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Hebrianɛ 10:2

Pɛ otɛ ɔsɛ lɔbɔlà bhɛtɛ anɔ sɛ tɛ ana piapii nɔ tsyɛ alo batɛ yɔlɔ bɔdɔ̃ pɔpɔɛ nɔ xɔ̃ɔ. Tsyɛ alo bagɛ bakpɛ ɛtakpu esiɛ shu tabhuì nɛ kibe tinikpo abha ɔvɛnɔ tihɔɔ, kɛlɛ balɛ etúɔ tsyɛ ezebu alɛ ɛpɔ nɛ alɛ ebui kpaa shu.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Romanɛ 11:12

Onupɛ Israelanɛ ebui kpa bhɛbhɛtɛ etsyina edzì tiyuyulà gelee ɔkɔ kanɔ nɔ mɛ, kɛlɛ balɛ kide vɛvɛ nɛ Owusoso Akaa shu tsyina dzì tiyuyulà ɔkɔ bagɛ betinu Yudanɛɛ, kɛlɛ tiyuyulà ɖuwoe kɛbadzì onupɛ Israelanɛ pete etsyina edzì Owusoso Akaa ayɛɛ dza?

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Galatianɛ 2:19

Ɔmɔsɛ gana ɔsha nabha, itsí nɛ ɔsha shu, ɔsɛ tɛ mɛ zanà ɛkpã ɔkɔ Owusoso Akaa.

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Romanɛ 11:24

Wɔnɔ bagɛ notinu Yudanɛ, gɛ nɔlɛ asɛ kifutu mɛ busiushɛ gɛ bebhui edzu atɔɖɔ besidzudzu ushɛ abha ana, gɛ balɛ enu Israel ɛmadiɛ. Kliso kitinu kibui gagalĩ ɔkɔ Owusoso Akaa asɛ tɛ edzini besidzudzu alɛ nɔshɛ bhui bhuiɛ edzu atɔɖɔ besidzudzu alɛ ke abha.

Romanɛ 1:20

Denɔ kanɔ mɛ esi kpɛkpɛ mɛ keɛ, Owusoso Akaa tɛzazã gbangbã gɛlɛ tikpukpũ mɛ, nɛ̀ yɛohumi tihɔɔ nɛ̀ yɛ ɔfɔfuĩa nɔ tɛzazã mɛɛ, bɔmɔ alɛ mɛ tɛdadalɛ, kɛlɛ esi lulũ alɛ akɔ ebuiɛ odenɔ kɛgɛ babhɛtɛ mɛ, kliso kɛtakpu kɔkɔ ma ɔkɔ anɔ nanà sɛ etinyi ebuiɛ.

Hebrianɛ 11:21

Nɛ tɛyɛyɛkɛŋã mɛɛ, flogo tɛ Yakob adã olugbũɔ, eyula tutu esi akɔ Yosef yɛeyi alɛ, kɛlɛ gɛ edzyui paŋãa nɛ yɛosi vuvũ abhaa, akpɛ ɛtakpu esi akɔ Owusoso Akaa.

Hebrianɛ 9:9

Kinu udɔ̃ kakasɛ ɔlɔkɔ shɔnɔ nɛ kibe ɛlɛ shu, sɛ ɔdɔ̃ kɔkɔ nɛ̀ bɔdɔ̃ pɔpɔɛ nɔ gɛlà dalɛ bagɛ azakpɛ ɛtakpu esiɛ etú mɛ ebuiɛ shu.

Banɔkpɛkpɛ Axɔ̃ɛ 14:15

“Bɔlɔ adzya alɛ amɔ, kiɖe so pɛ nɔbhɛtɛ ana? Bɔlɔ tsyɛ banɔdzyrame bunu asɛ wɔnɔ ana. Bɔmana wɔnɔ kibui gbangbã tɛ butseɖe wɔnɔ tɛ̀ notsyina nɛ ebui alɛ gɛ lama kɛnana mɛ niede, tɛ nɔtɔnɔ Owusoso Akaa enunuɔ niede, anunɔ gɛ yɛabhɛtɛ kititi, kesiakpa, aƒu nɛ̀ kɛka nyia ka gɛkpasɛ alɛ mɛ.

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Hebrianɛ 9:7

Banɔlũazazã gbagbla ete ko yɛamɔ idzo etsoku ovuede uvũɔ mɛ, kɛlɛ ɛdɛ tinikpo nɛ kɛgɔ ka nyia ka mɛ. Onupɛ avɛɛ, alɔkɔ agã dzyosu evunɔ sɛ tɛ alɔkɔ akɔ nɛ yɛahɔɛ ɛtakpu nɛ̀ banunɔ ebui mati mati gɛ babhɛtɛ nɛ ɛtakpu.

Timoteo 1 3:15

onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.

Tesalonikanɛ 1 1:9

ɔmɔsɛ batɛɖɔ kɛlɛ nɛ balɛishu ahɔɛ mɛ nɛ kana gɛ nɔyɛkɛ bɔlɔ shu. Betseɖe bɔlɔ nɛ kana gɛ notsyina odenɔ ibudiɛ ɔkɔ pɛ nɔba ɔsɛ tɛ nɔkpɛ kɛtakpu esi ɔkɔ Owusoso Akaa gbangbã gɛ alɛ nɛ ɛkpãa pɛ enu enunuɔ,

Banɔkpɛkpɛ Axɔ̃ɛ 1:2

flogo tɛ bebe feke yɛ ewunu avɛnɔ kititíɛ, akɔ banunɔ gɛ ebú asɛ yɛanɔkpɛkpɛ akɔ ɔsha ɔgana Ɔfɔfuĩa gbangbã mɛ.

Romanɛ 1:4

kɛlɛ, gana Ɔfɔfuĩa dadalɛ mɛɛ, bebui akasɛ nɛ ohumi nɔ mɛ ɔsɛ, yɛenu Owusoso Akaa Yɛeyi, gana yɛtɛlɔlɔ odenɔ bekpuɔ mɛɛ, yɛenu Yesu Kristo, bɔlɔ Apaleteɛ.

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Korintoanɛ 1 15:45

Asɛ gɛ bafɔnɔ elu asɛ, “anyɛ gɛiputɔ gɛedzì adam abazã nɛkpã”, Adam gɔgɔɛ nɔ yɛedzì-ɔfɔfuĩa gɛ lɔkɔ ɛkpã.

Hebrianɛ 3:12

Mɛadzya alɛ mɔ, noɖi ɛlɛ ɔkɔ ɔsɛ, ebui kpa bhɛbhɛtɛ nɛ̀ etúɔ gɛ agɛ yɛkɛ aŋã pɛ letsyina nɛ Owusoso Akaa gɛ alɛ nɛ ɛkpã niedeɛ azã ɔnɔ ahɔɛ.

Hebrianɛ 7:16

anɔ alɛ gɛ ebedzi banɔlũazazã, etinu asɛ kidzu gɛ bedzu balɛ nɛ ɔsha nulũ, asɛ nɛ bashuĩ nɛibeɛ, pɔ yɛaba nɛ ohumi nɔ gɛ lɔkɔ ɛkpã pɛ anɔ nanà atɛ balà ɔlɛ ezĩɛ mɛ.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Hebrianɛ 13:12

Nɛidzo ɛlɛ nabhaa, Yesu tsyɛ amɔ̃ bɔtɔ nɛ ɔma ɔlɛ kakãdeɛ ɔsɛ tɛ alɔkɔ yɛdzyosu nɔ adalɛ banɔ shu nɔ.