Hebrianɛ 9:12 - Nyangbo New Testament

¹² Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Hebrianɛ 9:12 Referans Kwoze

Hebrianɛ 10:4

ɔmɔsɛ banɛtsyɔɛ nɛ̀ bepidzya dzyosu atɛ balà ebu ebui kpa atɛ ɖa.

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Hebrianɛ 10:19

Kliso mɛadzya alɛ mɔ, gɛ bɔyɛkɛŋã sɛ bɔbatsoku buvũɔ Ɔdadalɛ Ɔkɔ Ɔdɛ mɛ nɛ Yesu dzyosu nɔ mɛ soɔ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Hebrianɛ 9:13

Bepidzya nɛ̀ banɛtsyɔɛ dzyosu, nɛ̀ banɛtsyɔɛelĩ pɔpɔɛ ɔtɔ̃ɔ gɛ balɔkɔ ahɔɛ nɛ bagɛ balɛishu gɛ dalɛ shuɔ sɛ tɛ balɛishu dalɛ nɛ ishupi mɛ ete.

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Tesalonikanɛ 1 1:10

nɛ tɛ buupo Yɛeyianyɛ gɛ ede kititiɛ anɔ gɛ anyɛmɛ edenɔ bekpuɔ mɛ, Yesu, gɛ ayɛkɛ bɔlɔ edenɔ ɔmɔpɔɛ nɔ gɛ lɔbaa shu.

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Hebrianɛ 9:7

Banɔlũazazã gbagbla ete ko yɛamɔ idzo etsoku ovuede uvũɔ mɛ, kɛlɛ ɛdɛ tinikpo nɛ kɛgɔ ka nyia ka mɛ. Onupɛ avɛɛ, alɔkɔ agã dzyosu evunɔ sɛ tɛ alɔkɔ akɔ nɛ yɛahɔɛ ɛtakpu nɛ̀ banunɔ ebui mati mati gɛ babhɛtɛ nɛ ɛtakpu.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 9:19

Kliso onupɛ Mose akalà ɔsha ka nyia ka akɔ banunɔ pete nɔ, azalɔkɔ banɛtsyɔɛeyi dzyosu, bulĩ nɛ̀ obhoshi tɛkã dzadzã ɔlɔkɔ plɛnɔ hisɔp (tɛwɔa tili gɛ Yudanɛ alɔkɔ eshu ɔkɔ nɔ) shu pɛ alɔkɔ azahɔ̃ɛ nɛ keplukpa nɛ̀ banunɔ abha.

Hebrianɛ 13:12

Nɛidzo ɛlɛ nabhaa, Yesu tsyɛ amɔ̃ bɔtɔ nɛ ɔma ɔlɛ kakãdeɛ ɔsɛ tɛ alɔkɔ yɛdzyosu nɔ adalɛ banɔ shu nɔ.