Hebrianɛ 9:11 - Nyangbo New Testament

¹¹ Gɛ Kristo abaa asɛ banɔlũazazã gbagbla ɔkɔ ɔdɔ̃ gbangbã gɛlɛ ɛkɛlɛɛ, agã afala nɛ trɛwɔɛagba gɛ egbogblo pɛ kaná ɔdɛ trɛwɔɛagba ka nyia ka, gɛ anɛ anɔdzyrame yɛahɔɛ yɛedzui alɛ nɔ mɛ. Gulũi nɔɔ, kegide kanɔɛ alɛ mɛ.

Hebrianɛ 9:11 Referans Kwoze

Korintoanɛ 2 5:1

Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.

Hebrianɛ 10:1

Kɛtɔwui ete ɔsha onu ɔkɔ ebui gbangbã gɛ laba shu-anɛ alɛ enu ebuiɛ gɛ bɔpɛ sɛ tɛ bɔmɔ. Kliso ɔsha tɛbɔlà gã kɛgɔ nyiɛ gɔ ɔdɔ̃ pɔpɔɛ mɛ pɛ lɔbɔbhɛtɛ bagɛ bakpɛ ɛtakpu esi akɔ Owusoso Akaa, sɛ tɛ bana piapii nɔ ɖa.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Hebrianɛ 2:17

Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Banɔkpɛkpɛ Axɔ̃ɛ 7:48

Pɔ Kititiayɛ Gbagbla xɔnɔ atɛzã beevũ gɛ banɔ abhɔ mɛ. Asɛ gɛ ebuiɖɔluanɛ aɖɔ asɛ,

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Hebrianɛ 7:1

Melxizedek alɛ edzi Salemanɛ ekusi nɛ̀ Owusoso Akaa Kitití Ayɛ anɔlũazazã. Atsyana Abraham nɛ kibeɛ gɛ edité bekusi teli pɛ etsyina abaa, kɛlɛ eyula nɛ yɛabha.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Koloseanɛ 2:11

Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Korintoanɛ 2 4:18

Klisoɔ bɔtɛ ilu awɔ̃ nɛ kɛgɛ bamɔ nɛ̀ awuhũɔ nabha, pɔ buulu awɔ̃ nɛ bɔdɔ̃ gɛ batɛ amɔ nabha. Ɔmɔsɛ kɛgɛ bɔmɔ nɛ̀ anwuhũɔ tɛzã kibe dzlolo, pɔ kɛgɛ batɛmɔ nɛ̀ awuhũɔ kɛlɛ zã tihɔɔ.

Hebrianɛ 12:27

Ebui alɛ asɛ, “Ɛzɛbabhɛtɛɛ” kɛkasɛ kibu gɛ bebèbu bɔdɔ̃ gɛ balà shukuɔ atɛɛ-gɛ bunu kanɔ mɛ ɔdɔ̃-sɛ tɛ kɛgɛ batɛ balà eshukuɔ tɛ kɛwɔ ɛlɛ ɔzãkɔ.

Hebrianɛ 13:14

Ɔmɔsɛ nɛ kanɔ alɛ mɛɛ, ɔma nanà ɔma gɛ ɔbɔkpɛ emi ɔzã tihɔɔ, pɔ buuɖi ɔgɛ ɔbɔba nɛidzo mɛ.