Hebrianɛ 7:26 - Nyangbo New Testament

²⁶ Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Hebrianɛ 7:26 Referans Kwoze

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Petro 1 1:19

Pɔ nɛ Kristo dzyosu dadalɛ gɛenu obhoshi eyiɛ gɛ ɔkɔ nanà ogizĩ nɛ ɔlɛ shuɔ mɛ.

Hebrianɛ 7:11

Pɛ otɛ ɔsɛ Lewieyiɛ anɔlũzazã axɔ̃ɛ dɛdɛ anáa pɛpɛpɛɛ (ɔmɔsɛ nɛ balɛ axɔ̃ɛ dɛdɛ ɔkɔ̀ nulũ bakpɛ ɔsha akɔ banunɔ) tsyɛ alo bɔtɔ ɖuwoe lu gɛtazã sɛ tɛ bewlui apɛ banɔlũazazã bhlatɔ gɛ alɛ asɛ Melxizedek ana, sɛ tɛ abazã Aron yɛeyi alɛ nɛinye mɛɛ dza?

Hebrianɛ 2:10

Tɛ agbana beyianyɛ gelee amana ishu dadalɛ mɛɛ, kɛpɛ sɛ Owusoso Akaa gɛ yɛenu anunɔ gɛ yɛabhɛtɛ kɛka nyia ka, pɛ yɛahɔɛ mɛ bɔlɛ, sɛ tɛ abhɛtɛ Kristoɔ gɛ ebu ulɔ piapii nɔ, ɔgana bɔtɔ mɛ.

Banɔkpɛkpɛ Axɔ̃ɛ 4:27

Kibui gbã kinu ɔsɛ Herodes nɛ̀ Pontio Pilato badɛtɔ̃ kɛtakpu aplɛnɔ bagɛ betinu Yudanɛ nɛ̀ Israelanɛ nɛ ɔmagbagbla ɔlɛ mɛ tɛ batɔɖɔ kibui kpa nɛ axɔ̃ɛdɛ dadalɛ Yesu shu, anunɔ gɛ yɛ wɔ sara bɔbɔ ɔkɔɔ.

Banɔkpɛkpɛ Axɔ̃ɛ 3:14

Nɔɖɔ ɔsɛ nɔotinyi Yesu geɛnu anɔ dadalɛ pɛ nobisi ɔsɛ Pilato ashɛnɛ ahɔɛ nɛ anyɛ gɛeyi anunɔ boŋ shu akɔ wɔnɔ.

Kibui Bubú Kasɛ 3:7

“Fɔnɔ ebui alɛ ɔsɛsɛ axɔ̃ɛdɛ nɛ Filadelfia ɔha mɛ. Ebui alɛ enu anunɔ gɛ yɛenu anɔ dadalɛ, pɛ aɖɔ kibui gɛlɛ ɛlɛ ɔzãkɔ, pɛ yɛevunɔ David ukusiupã opupuiakɔɔ. Kɛgɛ adalɛɛ, anɔ nanà atɛ kalà ɛlɛ adã, kɛlɛ kɛgɛ adãa anɔ nanà atɛ kalà adalɛ ɛlɛ.

Hebrianɛ 2:17

Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.