Biblia Todo Logo
Bib sou entènèt

- Piblisite -




Hebrianɛ 7:19 - Nyangbo New Testament

19 (ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Gade chapit la Kopi




Hebrianɛ 7:19
29 Referans Kwoze  

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.


Kliso nɔkɔ butso plɛnɔ Owusoso Akaa ekusiegbuɔ gɛ alɔkɔ ebhui ɔlɔ ebu nɔɔ, nɛité kpɛkpɛ mɛ sɛ tɛ onupɛ kiwui gagalĩɛ batɔnɔ ɔlɔɔ, tɛ ebeɖi ɔlɔ ashagabui tɛ ebhui ɔlɔ ebu.


Kinu udɔ̃ kakasɛ ɔlɔkɔ shɔnɔ nɛ kibe ɛlɛ shu, sɛ ɔdɔ̃ kɔkɔ nɛ̀ bɔdɔ̃ pɔpɔɛ nɔ gɛlà dalɛ bagɛ azakpɛ ɛtakpu esiɛ etú mɛ ebuiɛ shu.


Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,


Owusoso Akaa atɔɖɔ ibui gbangbã tili elu akɔ ɔlɔ, kɛlɛ kɛgɛ apɛɛ nɔ kɛli nu ɔsɛ, nɛ tenikpo bhɛbhɛtɛ mɛɛ, abakɔ kɛka nyia ka ba ɛlɛ mɛ, nɛ alɛ tɛtɔtɔɖɔ ulũ.


Kɛtɔwui ete ɔsha onu ɔkɔ ebui gbangbã gɛ laba shu-anɛ alɛ enu ebuiɛ gɛ bɔpɛ sɛ tɛ bɔmɔ. Kliso ɔsha tɛbɔlà gã kɛgɔ nyiɛ gɔ ɔdɔ̃ pɔpɔɛ mɛ pɛ lɔbɔbhɛtɛ bagɛ bakpɛ ɛtakpu esi akɔ Owusoso Akaa, sɛ tɛ bana piapii nɔ ɖa.


Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.


anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.


Kɛxɔ̃ɛ dɛdɛɛ pɔ gɛ Kristo ayɛkɛɛ, kigbogblo dɛ balɛ ɛyɛ, asɛ kigbogbloɔ gɛ yɛolugbũ nyanyã gɛ alɔkɔ evũ iboe nɛ bɔlɔ ishiɛ nɔ tsyɛ ogbogblo ɔdɛ balɛ ɔyɛ kukuɔ ana. Ɔmɔsɛ lode tɛtɔtɔɖɔ luɔ gɛpɛ̃ dɛ okukuɔ mɛ.


Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.


bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.


Pɛ otɛ ɔsɛ Lewieyiɛ anɔlũzazã axɔ̃ɛ dɛdɛ anáa pɛpɛpɛɛ (ɔmɔsɛ nɛ balɛ axɔ̃ɛ dɛdɛ ɔkɔ̀ nulũ bakpɛ ɔsha akɔ banunɔ) tsyɛ alo bɔtɔ ɖuwoe lu gɛtazã sɛ tɛ bewlui apɛ banɔlũazazã bhlatɔ gɛ alɛ asɛ Melxizedek ana, sɛ tɛ abazã Aron yɛeyi alɛ nɛinye mɛɛ dza?


Mɛ Paulo gidzi, Yesu Kristo yɛanɔkpɛkpɛ nɛ Owusoso Akaa gɛebu ɔlɔ yɛɔsha kɔkɔ nulũɔ nɛ̀ Yesu Kristoɔ gɛenu anɔ gɛ buɖi kidzo mɛ ɔkɔ,


Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.


Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.


Klisoɔ bakpɛ ɔshaa elu asɛ tɛ lɔgbana ɔlɔ ɔvɛnɔ Kristo ɔkɔ, ɔsɛ tɛ balɔkɔ tɛyɛyɛkɛŋã ebhui bɔtsyɔa akɔ ɔlɔ nɔ.


Otsiɛ nɔ pɔ, kiɖuwoe lu bɔbaɖɔ? Kibui kpa ɔsha onu dza? Ao, kɛma ɛlɛ mɛ ana! Kibui gbã kinu ɔsɛ, ɛgɛ tatì kɛdɔ̃ nɔnɔ gɛ kibui kpa nu, pɔ gana ɔshaa mɛɛ, iti ɛlɛ ana. Tsyɛ alo ɛgɛ tatì kɛgɛ inu kiwuhũ dzadzã nɛ anɔ teli idɔ̃ shu, onupɛ ɔsha ɔma ɔsɛ, “Tɛɔdzã kiwuhũ nɛ ɔhagbo ɛdɔ̃ shuɔ.”


Ɔshaa pɔ, bafɔnɔ ɔlɛ alɔkɔ alɔɛtití nɛ Owusoso Akaa yɛibuiɛ gɛ atɔɖɔ eluɔ shu dza? Gɛnɛ kana kɛlɛ! Ɔmɔsɛ onupɛ bakpɛ ɔsha toli olu gɛ lobo tsyina banɔ ɛkpãa, kɛlɛ kibui gbangbã bhɛbhɛtɛ tade koeyi nɛ ɔshaa mɛ xɔ̃ɔ.


Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.


Owusoso Akaa ɔdɔ̃ tatanà zã kɛlɛ mɛ! Bɔdɔ̃ tatanà ɛlɛ nɛidi gɛzã ɔkɔ banɔlũazazã gɛ eputɔ abafalaa,


Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.


Nótsu ɔplɛnɔ Owusoso Akaa tɛ yɛtsyɛ etsu aplɛnɔ ɔnɔ. Ebui kpa bhɛbhɛtɛ eleteɛ, noplu ɔnɔ ahɔɛ, tɛ nɔdalɛ ɔnɔ etúɔ mɛ, wɔnɔ gɛ ekpeɖekpeɖe mɛ aya taabhaa.


Swiv nou:

Piblisite


Piblisite