Hebrianɛ 6:11 - Nyangbo New Testament

¹¹ Bɔpɛ sɛ tɛ wɔnɔ mɛ aka nyia aka avɛ emi kpɛkpɛ alɛ nɛidi abha ɔvɛnɔ kibe gɔgɔ̃, sɛ tɛ nɔmɔ kɛgɛ ɛlɛ idzo mɛ noɖiɛ.

Hebrianɛ 6:11 Referans Kwoze

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Kibui Bubú Kasɛ 2:26

Anunɔ gɛ akpɛ emi, pɛ abhɛtɛ nɛ mɛ tɛtɛtɔtɔɖɔ nabha ɔvɛnɔ kibe gɔgɔɛ nɔɔ, ɛbakɔɛ ohumi nɛ ɛmadiɛ nabha.

Yohanes 1 3:14

Bunyi sɛ̀ budekoeyì nɛ butsi mɛ ba ɛkpã mɛ, ɔmɔsɛ bɔdɛmɛ bɔlɔ adzya alɛ ibui. Anunɔ gɛ atɛ adɛmɛ nɔ nɛ̀ anɔ akakpasɛ butsì mɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Tesalonikanɛ 2 3:13

Pɔ mɛadzya alɛ mɔ, wɔnɔ xɔnɔ, nɔtɛ mɔ ɔtɔ odenɔ kibui gbangbã tɛbhɛbhɛtɛ mɛ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Tesalonikanɛ 1 4:10

Kɛlɛ nɛ kibui gbã mɛɛ, nɔdɛmɛ nɛ baadzya petee nɛ Makedonia. Mɛ adzya alɛ, pɔ bɔkà kpalà wɔnɔ sɛ tɛ nɔbhɛtɛ kana odzi nɔ bhɛtɛ.

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Filipianɛ 3:15

Kɛlɛ sɛ bɔlɔ agɛ ishèɛ petee zilu awɔ̃ ɖi ebuiɛ ana. Kɛlɛ onupɛ nɛ kawɔ̃pɛ tieli mɛ wɔ bhɛtɛ ekpeɖekpeɖe bhlatɔ mɛ tsyɛɛ, kɛlɛ tsyɛ Owusoso Akaa abadãlɛ ɛlɛ mɛ akɔ wɔ.

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Yohanes 1 3:19

Alɛ abha bɔbà gã pɛ bɔbà tisɛ bɔkpasɛ kibui gbã mɛ, nɛ̀ kana gɛ bɔlɔkɔ bɔlɔ etúɔ lu awɔ̃ nɛ yɛabha

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.