Hebrianɛ 5:9 - Nyangbo New Testament

⁹ gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Hebrianɛ 5:9 Referans Kwoze

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Hebrianɛ 2:10

Tɛ agbana beyianyɛ gelee amana ishu dadalɛ mɛɛ, kɛpɛ sɛ Owusoso Akaa gɛ yɛenu anunɔ gɛ yɛabhɛtɛ kɛka nyia ka, pɛ yɛahɔɛ mɛ bɔlɛ, sɛ tɛ abhɛtɛ Kristoɔ gɛ ebu ulɔ piapii nɔ, ɔgana bɔtɔ mɛ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Banɔkpɛkpɛ Axɔ̃ɛ 5:32

Bɔlɔ nɛ̀ Ɔfɔfuĩa Gbangbã gɛ Owusoso Akaa akɔ bagɛ elũ yɛatɔɔ̃ bɔlɔ zãmɔ ebui alɛ.”

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Tesalonikanɛ 2 1:8

Abapɔ̃ batɔ̃ akɔ bagɛ betinyi Owusoso Akaa pɛ batɛ abhɛtɛ atɔɖɔ kibui gbangbã gɛide Apalete Yesu ɔkɔ nabha.

Romanɛ 2:8

Pɔ bagɛ bapɛ balɛyɛ ete tɛpɛpɛ, pɛ bashɛ nɛ ahɔɛ nɛ kibui gɛlɛ ɛlɛ ɔzãkɔ shu pɛ balɛ ebui kpa edeɛ, batɔ̃ pɔpɔ̃ gagalĩi nɛ̀ ɔmɔpɔɛ ɔlɛ ɔkɔ alɛ.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Korintoanɛ 2 10:5

Butũ ɔtsɛɖɛ kpɛ kawlɔ̃akɛ nɛ̀ asɛnɛ ebuiɛ gɛ alɔɛtití nɛ Owusoso Akaa yɛubutiɛ shuɔ mɛ. Kɛlɛ bɔŋã ekpeɖekpeɖe nɔnɔ gɛ atɛakɔ pɛ bɔbàlũ atɔ̃ ɔkɔ Kristoɔ nabha.

Romanɛ 15:18

Ɛtɛbapɛ ɛwɔawɔa sɛ ibu olugbũ mɛ tɛɖɔ kibui na nà ɔdɛ kɛgɛ Kristo abhɛtɛ aganà mɛabha, sɛ tɛ bagɛ betinu Yudanɛ tsyɛ tɛ belũ atɔ̃ akɔ Owusoso Akaa, ɔgana kɛgɛ ɛɖɔ pɛ ɛbhɛtɛ mɛ-

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Romanɛ 10:16

Pɔ anɛ Israelanɛ petee balɛ ayɛkɛ ibui gbangbã nabha aŋã, ɔmɔsɛ Yesaya afɔnɔ elu asɛ, “Apalete, afana gɛ ayɛkɛ kibuiɛ gɛ bɔɖɔɔ tseɖe alɛ nabha aŋã?”

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Yuda 1:21

Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Hebrianɛ 11:40

Owusoso Akaa atɔɖɔ ibui gbangbã tili elu akɔ ɔlɔ, kɛlɛ kɛgɛ apɛɛ nɔ kɛli nu ɔsɛ, nɛ tenikpo bhɛbhɛtɛ mɛɛ, abakɔ kɛka nyia ka ba ɛlɛ mɛ, nɛ alɛ tɛtɔtɔɖɔ ulũ.

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Banɔkpɛkpɛ Axɔ̃ɛ 4:12

Batɛ bamɔ anɔ yɛyɛkɛ elù nɛ̀ ɛkpã ɔgana ananà abha, ɔmɔsɛ kinyè nanà bhama kanɔ alɛ mɛ gɛ babà alɔkɔ ayɛkɛ bɔlɔ elu nɛ̀ ɛkpã nɔ.”

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.