Hebrianɛ 5:7 - Nyangbo New Testament

⁷ Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Hebrianɛ 5:7 Referans Kwoze

Hebrianɛ 12:28

Kliso gɛ bɔyɛkɛ bukusi ŋaŋã ɛlɛ gɛ bɔtɛbalà shukuɔ, nɔkɔ buhu ahɔɛ, tɛ bɔlɔkɔ ɛtakpu esi kpɛkpɛɛ gɛshɔnɔ, nɛ̀ kifu sisíɛ ɔkɔ Owusoso Akaa,

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.

Yohanes 1 4:3

pɔ ɔfɔfuĩa ka nyia ka gɛ lɔotinyi Yesuɔ, logidè Owusoso Akaa ɔkɔ. Ɔfɔfuĩa ɔlɛ onù asɛnɛ kristoelete ɔfɔfuĩa nɔ, gɛ nɔolũ ɔsɛ lɔbàa, pɛ lɔotibo ku kanɔ nɔ̀ mɛ otsiɛ nɔ.

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Hebrianɛ 10:5

Kliso gɛ Kristo aba kanɔ nɔ̀ mɛɛ, aɖɔ asɛ, “Anɛ bɔdɔ̃ pɔpɔɛ nɛ̀ bɔdɔ̃ kɔkɔ wɔpɛ, pɔ ishu gɛ owoese ɔkɔ mɛ,

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.