Hebrianɛ 4:9 - Nyangbo New Testament

⁹ Kliso kimoelewui tili lɛ ɔkɔ Owusoso Akaa yɛeyi alɛ,

Hebrianɛ 4:9 Referans Kwoze

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Kibui Bubú Kasɛ 21:4

Ebetsuru ɛwɔ̃mɛ ka nyia ka nɛ alɛ amɛ. Butsí, ɔwɔ̃nyɔnɔ, yoyò bibi alo bɔtɔ nanà zɛbazã, ɔmɔsɛ ebui kukuɔ gɛazã ulũ tɛbafala.”

Hebrianɛ 4:3

Bɔlɔ agɛ yɛkɛŋã xɔnɔɔ, nɔkɔ butsoku omoelekɔ ɔlɛ, asɛ kɛɖɔ gɛ Owusoso Akaa aɖɔ asɛ, “Kliso ɛtana bɔdɔ̃ nɛ mɛɔmɔpɔɛ mɛ ɔsɛ, ‘Beti betsoku mɛomoelekɔ ɔlɛ oɖi.’ ” Pɔ awɔa yɛxɔ̃ɛ ebeke odenɔ kanɔ mɛ bhɛbhɛtɛ ibe ke.

Hebrianɛ 4:1

Kliso gɛ tɛtɔtɔɖɔ ɔkɔ yɛomoelekɔ mɛ tɛvɛvɛ tsiɖi lɛ abha soɔ, nɔkɔ bɔzã nawɔ̃ piapii sɛ tɛ wɔnɔ mɛ anɔ nanà atɛ bawɔɛ idzo.

Hebrianɛ 11:25

Pɔ adɛmɛ asɛ tɛ amɔ bɔtɔ nɛ̀ Owusoso Akaa yɛeyi alɛ ɔdɛ ɔsɛ tɛ aŋã kanɔ mɛ ɛkpã dzyɛdzyɛ gɛ lɛtɛ bazã tihɔɔ nɔ.

Hebrianɛ 3:11

Kliso aɖɔ nɛ bɔdɔ̃ tatanà nɛ ɔmɔpɔɛ mɛ asɛ, ‘Beti beku mɛomoelekɔ mɛ eɖi ɖa.’ ”

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Hebrianɛ 4:8

Pɔ otɛ ɔsɛ omoelekɔ Yosua akɔ alɛɛ, Owusoso Akaa agɛtɛ ewlui aɖɔaɖɔ nɛ kiwui bhlatɔ shu.

Hebrianɛ 4:10

ɔmɔsɛ anɔ nyia anɔ gɛ eku Owusoso Akaa omoelekɔ, anɔ alɛ tsyɛ ebemoele edenɔ yɛaxɔ̃ɛ wɔawɔa mɛ, asɛ kimoele gɛ Owusoso Akaa tsyɛ emoele ana.

Kibui Bubú Kasɛ 14:13

Kɛlɛ ilũ ozĩ loyi odenɔ ititíɛ ɔsɛ, “Fɔnɔ ɔsɛ, beyula bagɛ bazã Apaleteɛ mɛ flogo pɛ betsíɛ, denɛ otsiɛ ɔvɛnɔ.” Ɔfɔfuĩa nɔ ɔɖɔ ɔsɛ, “Ee, bebèmoelɛ odenɔ balɛ axɔ̃ɛ wɔawɔa mɛ, ɔmɔsɛ balɛ axɔ̃ɛ wɔawɔa abazã alɛ ede avɛ.”