Biblia Todo Logo
Bib sou entènèt

- Piblisite -




Hebrianɛ 4:1 - Nyangbo New Testament

1 Kliso gɛ tɛtɔtɔɖɔ ɔkɔ yɛomoelekɔ mɛ tɛvɛvɛ tsiɖi lɛ abha soɔ, nɔkɔ bɔzã nawɔ̃ piapii sɛ tɛ wɔnɔ mɛ anɔ nanà atɛ bawɔɛ idzo.

Gade chapit la Kopi




Hebrianɛ 4:1
28 Referans Kwoze  

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.


Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.


Kliso kimoelewui tili lɛ ɔkɔ Owusoso Akaa yɛeyi alɛ,


Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.


onupɛ bɔgɛ yɛkɛ ŋãa, yɛxɔnɔ abazã tɛyɛyɛkɛŋã nabha, ɔmɔsɛ atɛ balà adã kadã sɛ etinyi yɛishu.


Klisoɔ, onupɛ abhɛtɛ wɔ asɛ ɔyɛkɛ ɔŋã piapii nɔ, ɖi piapii ɔsɛ tɛ ɔtɛdɔ oboe.


Kɛlɛ kɛlɛ́ mɛ. Pɔ bebhui bɔshɛ nɔ atsɛ ɔmɔsɛ bagɛ yɛkɛ aŋã, wɔ xɔnɔ wɔ tɛyɛyɛkɛŋã so pɛ bayɛkɛ wɔedzu. Tɛofeke ishu, kɔ kifu pɔ zã wɔ mɛ.


ɔmɔsɛ anɔ ka nyia ka abhɛtɛ ibui kpa, kɛlɛ Owusoso Akaa yɛishu dadalɛ yala nɛ bɔlɔ nyɔ̃ɔ shu,


Nolu awɔ̃ tɛ notitso dzi nɛibuiɛ gɛ anunɔ aɖɔ niede. Onupɛ bagɛlà ebu tɛtsɛɖɛ mɛ ashɛ nɛ anunɔ gɛ etseɖe nɔ nɛ̀ alɛ nɛ esiakpa alɛ nabhaa, kɛlɛ bɔlɔ pɔ balà bu tɛtsɛɖɛ mɛ onupɛ butso dzi nɛ anunɔ gɛ etseɖe nɔ ɔlɔ nɛ kititíɛ ɔbha?


Kliso aɖɔ nɛ bɔdɔ̃ tatanà nɛ ɔmɔpɔɛ mɛ asɛ, ‘Beti beku mɛomoelekɔ mɛ eɖi ɖa.’ ”


Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.


Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.


Wɔnɔ bagɛ nɔpɛ ɔsɛ tɛ balɔkɔ ɔshaa bhui bɔtsyɔa akɔ ɔnɔ ɔnɔɔ, nobu ishu ɔtɔ nɛ Kristoɔ shu, nɔshɛ nɛ ɔnɔ tibhui huibuɔ niede.


Swiv nou:

Piblisite


Piblisite