Hebrianɛ 3:14 - Nyangbo New Testament

¹⁴ Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Hebrianɛ 3:14 Referans Kwoze

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 6:11

Bɔpɛ sɛ tɛ wɔnɔ mɛ aka nyia aka avɛ emi kpɛkpɛ alɛ nɛidi abha ɔvɛnɔ kibe gɔgɔ̃, sɛ tɛ nɔmɔ kɛgɛ ɛlɛ idzo mɛ noɖiɛ.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Hebrianɛ 12:10

Nɛ kibe gulũi tili mɛɛ, bɔlɔ akaa alɛ akɔ ɔlɔ atɔ̃ pɔpɔ nɛ kɛpɛ gɛ bapɛ ulũ. Owusoso Akaa xɔnɔ àpɔ ɔlɔ atɔ̃ asɛ tɛ bɔpɛ, tɛ bɔbazã yɛtɛdadalɛ mɛ.

Hebrianɛ 6:4

Kɛba gagalĩ ɔkɔ bagɛ batɛmɔ Owusoso Akaa tɛdadalɛ mɛ eɖi, pɛ bemini yɛdɔ̃ kɔkɔ gɛide ititíɛ eɖi, pɛ bayɛkɛ Ɔfɔfuĩa Gbangbã,

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Romanɛ 11:17

Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.

Korintoanɛ 1 10:17

Ɔmɔsɛ gɛ bùkpèe, pɛ kifufulũ tenikpo pɔ kɛlɛ lɛɛ, so budzi ishupi tunikpo, pɛ bɔlɔ petee tã kifufulũ tinikpo alɛ.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Timoteo 1 6:2

Bagɛ balɛ apaleteɛ ayɛkɛ Kristo abha ŋã batɛ ɖɔ ɔsɛ badzya benu soɔ batɛ akpɛ kɛtakpu esi akɔ balɛ apalete alɛ. Nɛ kɛlɛ inye mɛɛ, kɛlɛ sɛ tɛ bedzi baxɔ̃ɛdɛ gbangbã ɔkɔ alɛ, ɔmɔsɛ bagɛ amɔ kibui gbangbã odenɔ balɛ axɔ̃ɛ wɔawɔa mɛ enu bayɛyɛkɛŋã, pɛ badɛmɛ alɛ kibui. Ebui alɛ kɛlɛ sɛ tɛ ɔkasɛ tɛ nɔlɔkɔ kpalà alɛ nɔ.

Korintoanɛ 1 9:23

Nɛ kibui gbangbã nɛtakpu so ɛbhɛtɛ alɛ nyɔ̃ɔ, sɛ tɛ̀ mɛtsyɛ ɛmɔ tiyuyula nɛ kɛlɛ mɛ.

Romanɛ 11:22

Kliso nɔbaka Owusoso Akaa yɛyamɛ gbangbã bhɛbhɛtɛ nɛ̀ yɛahɔɛ gagalĩ nɛ wɔnɔ abha shu. Agagalĩ ahɔɛ nɛ bagɛ betsodzi nɛ yɛedeɛ shu, kɛlɛ wɔnɔ xɔnɔ aabhɛtɛ ɛyamɛ gbangbã akɔ wɔnɔ onupɛ nogitsodzi nɛ yɛedeɛ. Onu gɛna naa, abashɛnɛ ahɔɛ nɛ wɔnɔ tsyɛ shu atɛ elu.

Hebrianɛ 11:1

Tɛyɛyɛkɛŋã nu kɛgɛ olu awɔ̃ nɛ ɛlɛ abha pɛ oɖi kɛdɔ̃ gɛ ɔtɛ ɔmɔ nɛidzo mɛ.