Hebrianɛ 2:17 - Nyangbo New Testament

¹⁷ Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Hebrianɛ 2:17 Referans Kwoze

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Hebrianɛ 7:26

Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Hebrianɛ 3:5

Mose abhɛtɛ ibui gɛlɛ ɛlɛ ɔzãkɔ nɛ Owusoso Akaavũ ka nyia ka mɛ asɛ axɔ̃ɛdɛ, pɛ azaɖɔaɖɔ adalɛ ebui mɛ nɛ agɛ babàɖɔ idegba mɛɛ shu.

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Hebrianɛ 7:28

Nɛ Mose yɛɔsha nulũɔ, banɔdzyrameɛ gɛ betinu ohumieleteɛ bazalɔkɔ ezedzu banɔlũazazã gbagbla, pɔ nɛ Owusoso Akaa yɛɔdɔ̃ gɛ atanà idegbaa shu soɔ, alɔkɔ Yɛeyiɛ gɛ ewoese piapii nɔ edzu yɛedzi banɔlũazazã gbagbla tihɔ, tihɔ.

Efesoanɛ 2:16

nɛ ishudzya ɛlɛ bedzì tinikpo mɛ, sɛ tɛ abhɛtɛ alɛ taabha tenikpo ɔkɔ Owusoso Akaa ɔgana butsi osi nabha, gɛ ɔlɛ abha yɛetsí pɛ ebu kishi zizĩɛ.

Romanɛ 15:17

Kliso mɛinye wui abha nɛ Yesu Kristo mɛ nɛ̀ mɛxɔ̃ɛ dɛdɛ ɔkɔ Owusoso Akaa nɛtakpu.

Hebrianɛ 3:2

Yesu abhɛtɛ ibui gɛlɛ ɛlɛ ɔzãkɔ akɔ anunɔ gɛ akpɛ yɛ ɔmɔ asɛ kɛbhɛtɛ gɛ Mose abhɛtɛ nɛ Owusoso Akaavũ ka nyia ka mɛ ana.

Hebrianɛ 2:16

Ɔmɔsɛ kibui gbã kinu ɔsɛ anɛ akaa axɔ̃ɛdɛ yɛaplɛnɔ, pɔ Abraham yɛeshui alɛ.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Hebrianɛ 5:1

Bebu banɔlũazazã gbagbla ka nyia ka edenɔ banɔɛishi. Bedzui asɛ tɛ azã ishi akɔ Owusoso Akaa nɛ̀ banɔ, tɛ akɔ ɔdɔ̃ tɛ azapɔɛ ɔdɔ̃ nɛ ebui kpa ɛtakpu.

Hebrianɛ 5:2

Banɔlũazazã gbagbla alɛ, alàdɔ fɔ̃ akɔ bagɛ nɛ balɛ ibui matimati mɛ pɛ batɔnɔ edzo bhlatɔ avɛɛ, gɛ yɛ tsyɛ bɔtɔ ɔlɛ lɛ yɛishu so.

Hebrianɛ 5:5

Kliso Kristo tsyɛ agɛbhɛtɛ yɛishu asɛ anɔ dadalɛ sɛ tɛ edzi banɔlũazazã gbagbla. Pɔ Owusoso Akaa etseɖe yɛasɛ, “Wonu Mɛeyianyɛ, oboɔ itsyina dzi Wɔakaa.”

Hebrianɛ 5:10

Kɛlɛ yɛenu anunɔ gɛ Owusoso Akaa edzu asɛ tɛ edzi banɔlũazazã gbagbla ɔmɔ asɛ Melxizedek ana.

Hebrianɛ 6:20

nɛ ɛkɛlɛ gɛ Yesu eputɔ editsoku nɛ ɔlɔ inye mɛ. Etsyina edzi banɔlũazazã gbagbla tihɔɔ ɔmɔ asɛ Melxizedek ana.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.

Hebrianɛ 9:11

Gɛ Kristo abaa asɛ banɔlũazazã gbagbla ɔkɔ ɔdɔ̃ gbangbã gɛlɛ ɛkɛlɛɛ, agã afala nɛ trɛwɔɛagba gɛ egbogblo pɛ kaná ɔdɛ trɛwɔɛagba ka nyia ka, gɛ anɛ anɔdzyrame yɛahɔɛ yɛedzui alɛ nɔ mɛ. Gulũi nɔɔ, kegide kanɔɛ alɛ mɛ.

Hebrianɛ 10:21

kliso otsi alɛ gɛ banɔlũazazã hohoe alɛ àlɛ Owusoso Akaa ɔpã nulũɔ,