Hebrianɛ 13:9 - Nyangbo New Testament

⁹ Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Hebrianɛ 13:9 Referans Kwoze

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Efesoanɛ 5:6

Nɔtɛkɔ ananà awɔɛ ɔnɔ nɛ ebui gɛ lama alɛ mɛ shu, ɔmɔsɛ ebui alɛ nɛidi shu Owusoso Akaa ɔmɔpɔɛ ɔba bagɛ etielũ atɔ̃ nabha.

Romanɛ 14:6

Anunɔ gɛ alɔkɔ kiwui tili asɛ kɛlinu kɛgɛ dzã kiwuhũ dɛɛ, abhɛtɛ kɛlɛ sɛ tɛ alɔkɔ akpɛ Apalete nɛinye nɛitití nɔ. Kana ɛbe anunɔ gɛ atã kɛdzyaa, abhɛtɛ ana sɛ tɛ akpɛ Apalete nɛinye nɛitití, ɔmɔsɛ ehu Owusoso Akaa ahɔɛ nɛ kɛŋaŋã nɛ ɛtakpu, kɛlɛ anunɔ gɛ atɛ aŋãa tsyɛɛ, abhɛtɛ ana akɔ Apaleteɛ tɛ alɔkɔ ehu Owusoso Akaa ahɔɛ nɔ.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Banɔkpɛkpɛ Axɔ̃ɛ 20:30

Nɛ wɔnɔ mɛ tsyɛɛ, banɔ abalɔ́ pɛ babàsɛ asɛnɛ tɛ̀ badɔkpasɛanɛ etsyina tɔnɔ alɛ.

Yuda 1:12

Banɔ alɛ enu kihututũ nɛ wɔnɔ tɛdɛdɛmɛ nɔ ɔdɔ̃ ɔŋãkɔ, gɛ baŋã ɔdɔ nɛ̀ wɔnɔ gɛ kɛtɛ wɔa axɔ̃ɛ bhlui nɛ balɛishu mɛ tsyɛ, ibhoshi agbagbana elete gɛ beeɖì balɛ ete ishu abha. Bedzi asɛ ɔmɔlɔ̃ gɛ subhà ma ɔlɛ mɛ, gɛ kɛlɛ́ɛ nɔ fù ɔlɛ ɔshɛnɔ, ekpemɛ beesìɛ gɛ etieyù eyuyù nanà pɛ bakpà ebho pɛ betsí pete nɔ.

Timoteo 1 6:20

Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Tesalonikanɛ 2 2:17

abakpɛ wɔnɔ kitúɔ niemi pɛ abakɔ wɔnɔ ohumi nɛ kɛxɔ̃ɛ gbangbã ka nyia ka wɔawɔa nɛ kibuiɛ mɛ.

Koloseanɛ 2:4

Itseɖe ɔnɔ kibui ɛlɛ sɛ tɛ ananà atɛ bawɔɛ ɔnɔ, nɛ̀ ebui wawlɔakɛ gɛ lawɔ̃ɛ asɛ lapɛ̃ɛ.

Korintoanɛ 2 1:21

Otsi nɔ, Owusoso Akaa yɛabhɛtɛ ɔlɔ pɛ budzi gagalĩ nɛ Kristo mɛ. Asra bɔbɔ akɔ ɔlɔ,

Korintoanɛ 1 8:8

Pɔ bɔŋaŋã tɛ gbana bɔlɔ mana Owusoso Akaa bha, bɔgɛ ŋã bɔdɔ̃ɔ, kigizĩ kɛnana nɛ bɔlɔ shu, kana onupɛ bɔŋã tsyɛɛ, bɔgɛ pɛ dɛ ananà.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Romanɛ 14:2

Anɔ teli nɛ yɛtɛyɛyɛkɛŋã lũɔ, adɛmɛ aŋã kɛka nyia ka, pɔ anɔ teli gɛ aka kpɛ ogù nɛ tɛyɛyɛkɛŋã mɛɛ, yɛ xɔnɔ tɛgã ete ko yɛaŋã.

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Tesalonikanɛ 2 2:2

sɛ tɛ nɔtɛkɔ ɔwɔ̃nyɔnɔ kibui ɖɔlù, bulũ bhui bhui, alo keplukpa tieli gɛ basɛ kede bɔlɔkɔ pɛ kaɖɔ sɛ Apaleteɛ nɛiwuiɛ tɛba kukuku.

Korintoanɛ 1 6:13

“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Galatianɛ 6:1

Mɛadzya alɛ mɔ, onupɛ bevũ anɔ teli nɛ ebui kpa bhɛbhɛtɛ mɛɛ, wɔnɔ bagɛ ɔfɔfuĩa nɔ kpasɛ ɔnɔ mɛɛ, nɔohu buluhũ ɔkɔɛ nɛ kidzo gbangbã abha tɛ etsyina aba. Pɔ noɔlu awɔ̃ nɛishu, ɔsɛ tɛ wɔnɔ tsyɛ ɔtɛmɔ̃ tifefekeɖi ɛlɛ.