Hebrianɛ 13:7 - Nyangbo New Testament

⁷ Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.

Hebrianɛ 13:7 Referans Kwoze

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Filipianɛ 3:17

Mɛadzya alɛ mɔ, nɔbhɛtɛ tenikpo nɛ̀ bagɔgɔɛ nɔ tɛ nɔzã nɛkpã nɛ mɛ ɛyɛ ulũ, tɛ nɔ olù awɔ̃ nɛ̀ bagɛ edzi nɛ ɛkpã nɛ edzoɔ gɛ bɔkasɛ wɔnɔ shu.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Tesalonikanɛ 1 1:6

Nobodzi banɔ gɛ nɔgã nɛ bɔlɔ nɛ̀ Apaleteɛ bɔwɔalũɔ mɛ, nɛ bɔtɔ lɛ pete ede tsyɛ, nɔyɛkɛ kibuiɛ nɛ sameɛ gɛ Ɔfɔfuĩa Gbangbã ɔkɔɔ.

Banɔkpɛkpɛ Axɔ̃ɛ 14:23

Paulo nɛ̀ Barnaba edzu ɔhamɛ besheshè akɔ alɛ nɛ ɔha ka nyia ka mɛ, kɛlɛ nɛ Owusoso Akaa tikukulu nɛ̀ olugbũnyanyã mɛɛ, balɔkɔ balɛ akpɛ ahɔɛ akɔ Apaleteɛ gɛ yɛabha bayɛkɛ aŋãa.

Timoteo 1 3:5

(Onupɛ anɔ teli etinyi kana gɛ ebeɖi yɛahɔɛ bɔpã abhaa pɔ, kɛlɛ yɛabalà eɖi Owusoso Akaa ɔhaa nabha dza?)

Hebrianɛ 13:24

Nɔsɛnɔ bagɛ agbana ɔnɔ nɛ̀ Owusoso Akaa anɔ petee. Bagɛ bede Italia aba pete asɛnɔ ɔnɔ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Korintoanɛ 1 4:16

Kliso ɛkpalà wɔnɔ ɔsɛ tɛ nɔkpasɛ mɛ.

Romanɛ 10:17

Klisoɔ, odenɔ kibuiɛ tilulũ mɛ tɛyɛyɛkɛŋã koeyi, kɛlɛ kibui ɛlɛ bulũ odenɔ Kristo yɛibuiɛ mɛ.

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Kibui Bubú Kasɛ 6:9

Gɛ adalɛ adadã trimiɛ, ɛmɔ bagɛ beyí nɛ Owusoso Akaa ibui nɛtakpu, nɛ̀ bagɛ anyana yɛibui dadalɛ mɛ evunɔ, balɛ atɔwuiɛ nɛ bɔdɔ̃ pɔpɔɛ osubha niesi.

Kibui Bubú Kasɛ 20:4

Ɛmɔ bagɛ bakɔ alɛidzo asɛ tɛ bekulu ubhuɔ bazã beekusi ugbu abha. Kɛlɛ ɛmɔ bagɛ alɛ atakpu bebhuiɛ atɔwuiɛ, bagɛ bazaɖɔaɖɔ adalɛ Yesu nɛ̀ Owusoso Akaa yɛibuiɛ shu soɔ. Bagɛ kpɛ ɛtakpu esi akɔ agãhoeɛ alo yɛafafatɛ, kɛlɛ bagɛ yɛkɛ yɛná tsatsà nɛ butúɔ alo ɛhɔɛ tsyɛ. Bazã nɛ̀ ɛkpã, kɛlɛ baŋã ukusi aplɛnɔ Kristo agɔ ohotu zɛzɛ̀.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Tesalonikanɛ 2 3:9

Kibui ɛlɛ gɛ bɔbhɛtɛ, kitinu sɛ gɛ bɔgɛ shɔnɔ sɛ bɔyɛkɛ tɛpɛplɛ nɔ ɛlɛ nɛidi denɔ wɔnɔ ɔkɔ so, pɔ sɛ tɛ bɔbhɛtɛ kasɛ wɔnɔ tɛ nɔgã nɛ ɛlɛ shu.

Korintoanɛ 1 11:1

Noɖi mɛ ɛkpã tɛ̀ nɔzã nɛ ɛlɛ ulũ, asɛ gɛ mɛtsyɛ lɔkɔ Kristo ɛkpã dzinɔ ana.

Tesalonikanɛ 2 3:7

Ɔmɔsɛ nɔonyi katsɛɖɛ gɛ kɛlɛ sɛ nobu tɛ nɔgã nɛ bɔlɔ ebui bhɛbhɛtɛ nulũ. Bɔgɛ zã kɛxɔ̃ɛ mawɔa mawɔa nɛ kibeɛ gɛ bɔzã wɔnɔ ɔbha,

Korintoanɛ 1 10:13

Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.