Hebrianɛ 13:5 - Nyangbo New Testament

⁵ Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”

Hebrianɛ 13:5 Referans Kwoze

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Petro 2 2:14

Balɛ awuhũɔ etsiɖi ɔmamɛ dɛdɛ shu, kliso batɛ balà yɔlɔ ebui kpa bhɛbhɛtɛ. Bawɔɛ bagɛ agɛ kpɛ iguɔ, bedzi beyì gɛ baɖɔ kibui akpɛ!

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Efesoanɛ 5:5

Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Korintoanɛ 1 5:11

Pɔ, otsiɛnɔ ɛfɔnɔ kɔ wɔnɔ sɛ, kɛma sɛ tɛ nɔkpɛ ɔha nɛ anunɔ gɛ ekulu yɛishu sɛ adzya yɛenu flogo pɛ aka aŋã kɛgɔlɔ apɛ yɛ ete tɛpɛpɛ, anɔ gɛ eshu ibudi ɔkɔ̀ alo anɔ gɛ ezĩ banɔ shu, enuwɔ̃ɛ alo anɔ gɛ edzyinì banɔ akpɛ. Nɔtɛŋã bɔdɔ̃ ete tsyɛ nɛ banɔ alɛ nɛidi.

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.

Korintoanɛ 1 6:10

nɛ bezĩɛ nɛ̀ bagɛ basɛ balɛ ete ko abaŋã nɛ beenuwɔɛ nɛ̀ bagɛ aɖɔ banɔ ishu tibuiɛ nɛ̀ bagɛ edzyinì banɔ akpɛɛ batɛ bavɛ Owusoso Akaa bukusi ɔŋãkɔ.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Korintoanɛ 2 4:9

batɔnɔ ɔlɔ ede, pɔ bagɛ shɛnɛ ahɔɛ nɛ bɔlɔ shu, behu ɔlɔ esi pɔ bugitsí.