Hebrianɛ 13:21 - Nyangbo New Testament

²¹ alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Hebrianɛ 13:21 Referans Kwoze

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Tesalonikanɛ 2 2:17

abakpɛ wɔnɔ kitúɔ niemi pɛ abakɔ wɔnɔ ohumi nɛ kɛxɔ̃ɛ gbangbã ka nyia ka wɔawɔa nɛ kibuiɛ mɛ.

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Timoteo 2 4:18

Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Korintoanɛ 2 9:8

Kɛlɛ Owusoso Akaa abalà kɔ wɔnɔ tibhui bhuibuɔ kpè tɔɖɔ, sɛ tɛ̀ nɛ ebuiɛ pete mɛ nɛ kibè ka nyia ka mɛɛ, gɛ kɛka nyia ka gɛ nɔpɛ nɔ lɛ wɔnɔ ahɔɛ soɔ, nɔbɔ lɔkɔ wɔnɔshu ɔkpɛ kɛxɔ̃ɛ gbangbã ka nyia ka wɔawɔa mɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Yuda 1:25

ishu dadalɛ, bukusi ŋaŋã, ohumi ɔkɔ Owusoso Akaa ete gɛenu anɔ gɛ ebu ulɔ, ɔgana Apalete Yesu Kristo abha, nɛ agɔ gɛ latɛ bafala petee mɛ, odenɔ otsiɛ ɔvɛnɔ tihɔɔ mɛ! Amen.

Yohanes 1 2:17

Kanɔ nɔ̀ nɛ̀ kalɛ mɛ bɔdɔ̃ pɛpɛ ulũ baafala, pɔ anunɔ gɛ abhɛtɛ̀ tɔɖɔ Owusoso Akaa tɛpɛpɛ nabha xɔnɔ abazã nɛ̀ ɛkpã tihɔɔ.

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Yohanes 1 3:22

asɛ bɔbà yɛkɛ kɛka nyia ka gɛ bubusì odenɔ yɛahɔɛ mɛ, ɔmɔsɛ bulũ batɔ̃ akɔ yɛɔsha pɛ bɔbhɛtɛ kɛgɛ kikù yɛawɔ nabha.

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Timoteo 1 6:16

anɔ gɛ yɛete yɛetitsì, nɛ̀ anɔ gɛ akpasɛ kifu gɛ anɔ atɛ balà tsoplɛnɔ nɛishiɛ, anɔ gɛ ananà aka mɔ yɛeɖi alo pɛ abamɔ eɖi tsyɛ. Yɛ kɛlɛ ɔsɛ tɛ bakpɛ yɛinye nɛ̀ yɛohumi nɛitití ɔvɛnɔ tihɔɔ. Amen.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Filipianɛ 4:18

Ɛtɛ yɛkɛ mɛ ɛbhɛ babuia petee, kɛlɛ bazabà buia ɛlɛ atɔɖɔ akɔ mɛ ɔdɛ, baakɔ mɛ bɔdɔ̃ kpekpe, pɔ otsi ko mɛ yɛkɛ bɔdɔ̃ gɛ nɔ sɛsɛ mɛ ɔganà Epafrodito abha. Bunu bɔdɔ̃ gbangbã kɔkɔ, bɔdɔ̃ pɔpɔɛ gɛ kɛlɛ sɛ bayɛkɛ, gɛ buku Owusoso Akaa awɔ̃.

Efesoanɛ 2:18

Ɔmɔsɛ ɔgana yɛabha bɔlɔ ediɛ taabha mɔ kidzo ɔvɛ Akaa ɔkɔ ɔganà ɔfɔfuĩa tonikpo mɛ.

Kibui Bubú Kasɛ 5:13

Kɛlɛ ilũ idɔ̃ bhɛbhɛtɛ ka nyia ka nɛitití nɛ̀ esiakpa, kesiakpa niesi nɛ̀ aƒu nabha, nɛ̀ kɛka nyia ka gɛlɛ alɛ mɛɛ bazazhã ɔdzɛ asɛ, “Anɔ nɔ̀ gɛ edzi ekusiegbu nabha nɛ̀ Obhoshieyiɛ kinye kpɛkpɛ nɛitití, tɛdadalɛ, ishu dadalɛ nɛ̀ ohumi, odenɔ tihɔ ɔvɛnɔ tihɔɔ!”

Kibui Bubú Kasɛ 4:6

Nɛ ekusiegbuɔ otugbàa, kɛdɔ̃ tili tsyɛ lɛ ɔmɔ asɛ aƒu gɛ edzi asɛ ahuhɔ̃ɛ dadalɛ teli idi, gɛ yɛmɛ adalɛ eli lĩalĩalĩa. Nɛ kɛmamɛ gɛ ekusiegbuɔ azãa, bagã talɛ azã gɛ beyi awuhũ nɛ otugbà nɛ̀ kedeɛ.

Hebrianɛ 12:23

Nɔba, wɔnɔ ɔhamɛeyi gɛ oputɔ, bagɛ alɛ enye bafɔnɔ elu nɛititíɛ. Nɔba Owusoso Akaa, gɛ yɛekulu ebhu nɛ̀ anɔ nyia anɔ, nɛ̀ banɔ gbangbã ɛfɔfuĩa nɔ gɛ babhɛtɛ piapii nɔ,

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Koloseanɛ 3:20

Bunuvɔɛ nɔ, nɔolũ atɔ̃ ɔkɔ wɔnɔ elĩ nɛ̀ wɔnɔ akaalɛ nɛ kɛka nyia ka mɛ, ɔmɔsɛ kɛlɛ ku Apalete nawɔ̃.

Filipianɛ 2:11

kɛlɛ kineke ka nyia ka dalɛ kɛlɛ mɛ ɔsɛ Yesu Kristo yɛenu Apaleteɛ, ɔkɔ Owusoso Akaa gɛenu Akaa shu tɛdadalɛ.

Galatianɛ 1:5

yɛ kɛlɛ ɔsɛ badalɛ yɛishu odenɔ tihɔɔ ɔvɛnɔ tihɔɔ mɛ. Amen.

Romanɛ 11:36

Owusoso Akaa yɛabhɛtɛ kɛka nyia ka, kɛlɛ yɛahɔɛ mɛ lalɛ, kɛlɛ yɛahɔɛ mɛ lagã. Kɛtakpu esi kpɛkpɛ inu yɛyɛ́ tihɔɔ! Amen.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Romanɛ 16:27

sɛ tɛ bɔkpɛ Owusoso Akaa gɛenu ebuitinɛ tenikpo nɔ nɛitití tihɔɔ nɛ Yesu Kristo yɛinye mɛ! Amen.

Timoteo 2 3:17

sɛ tɛ Owusoso Akaa anunɔ abalɔkɔ ɛlɛ epo yɛishu nɔ ɔkɔ kɛxɔ̃ɛ wɔawɔa gbangbã ka nyia ka ɛdi.

Hebrianɛ 12:28

Kliso gɛ bɔyɛkɛ bukusi ŋaŋã ɛlɛ gɛ bɔtɛbalà shukuɔ, nɔkɔ buhu ahɔɛ, tɛ bɔlɔkɔ ɛtakpu esi kpɛkpɛɛ gɛshɔnɔ, nɛ̀ kifu sisíɛ ɔkɔ Owusoso Akaa,