Hebrianɛ 13:18 - Nyangbo New Testament

¹⁸ Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Hebrianɛ 13:18 Referans Kwoze

Tesalonikanɛ 1 5:25

Bɔlɔ adzya alɛ mɔ, nokulu Owusoso Akaa ɔkɔ ɔlɔ.

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.

Romanɛ 15:30

Mɛelɛ alɛ mɔ, ɛkpalà ɔnɔ ɔgana Apalete Yesu Kristo abha, nɛ̀ Yɛɔfɔfuĩa nɔ tɛdɛdɛmɛ nɔ nɛ̀ banɔ mɛɛ, tɛ nɔplɛnɔ mɛ nɛ ɛxɔ̃ɛ gagalĩ lɛ mɛ, tɛ nokulu Owusoso Akaa nɛ mɛtakpu.

Petro 1 3:21

kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Tesalonikanɛ 1 4:12

sɛ tɛ kɛkɔ sɛ wɔnɔ kibe nyia be ɛkpã zazãna sɛ tɛ bagɛ etinu Kristoanɛ bamɔ wɔnɔ tɛpɛpɛ, tɛ nɔtɛ zã ananà yɛabha.

Banɔkpɛkpɛ Axɔ̃ɛ 24:16

Kliso ɛwlɔãkɛ kibe nyia be ɔsɛ tɛ mɛ ekpeɖekpeɖe mɛ adalɛ nɛ Owusoso Akaa namɛ nɛ̀ anɔdzyrame shu.

Banɔkpɛkpɛ Axɔ̃ɛ 23:1

Paulo eɖi ɔhamɛ besheshèɛ namɛ pɛ aɖɔ asɛ, “Mɛadzya alɛ mɔ, ɛbhɛtɛ kɛgɛ kɛlɛ sɛ mɛbhɛtɛ petee ɔkɔ Owusoso Akaa nɛ ekpeɖekpeɖe gbangbã mɛ oboyinɔ obuoɔ.”

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Romanɛ 12:17

Nɔtɛ bhɛtɛ ibui kpa ɔkpɛ ibui kpa lũ ɔkɔ anɔ na nà. Nolu awɔ tɛ nɔbhɛtɛ ibui gɛinu kɛgbangbã nɛ anɔ ka nyia ka amɛ.