Hebrianɛ 13:17 - Nyangbo New Testament

¹⁷ Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Hebrianɛ 13:17 Referans Kwoze

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Hebrianɛ 13:7

Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Korintoanɛ 1 16:16

ɔsɛ tɛ̀ nɔkpɛ kɛtakpu esi asɛ banɔ alɛ nɛidi nɛ̀ anɔ aka nyia aka tsyɛ gɛ afala eku kɛxɔ̃ɛ wɔawɔa ɛlɛ mɛ pɛ aatɔ nɛ ɛlɛ shuɔ.

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Filipianɛ 2:29

Nɔtsyanà yɛ nɛ Apaleteɛ mɛ nɛ̀ same hohoe, tɛ nɔkpɛ ɛtakpu esi ɔkɔ banyɛ gɛ edzì asɛ yɛ ana,

Romanɛ 14:12

Kliso bɔlɔ mɛ aka nyia aka ebebu yɛishu lũ akɔ Owusoso Akaa.

Tesalonikanɛ 2 3:14

Onupɛ anɔ teli agɛ bhɛtɛ atɔɖɔ bɔlɔ ɔsha kpɛkpɛ ɔlɛ nabha nɛ keplukpa alɛ mɛɛ, nɔolú awɔ̃ oɖi piapii. Nɔtɔ kpɛ yɛɔha, sɛ tɛ kiwũi yii.

Hebrianɛ 13:24

Nɔsɛnɔ bagɛ agbana ɔnɔ nɛ̀ Owusoso Akaa anɔ petee. Bagɛ bede Italia aba pete asɛnɔ ɔnɔ.

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Filipianɛ 3:18

Ɔmɔsɛ, asɛ gɛ izi tseɖe ɔnɔ bafalanɔ, pɛ ɛkaɖɔ ɛlɛ nɛ̀ ɛwɔmɛɛ, banɔ kpekpèɛ edzi nɛ̀ ɛkpã asɛ banɔ gɛ agɛ dɛmɛ Kristo yɛutsi osiɛ.

Yakobo 4:7

Nozhinɔ ɔnɔ ishu esi ɔkɔ Owusoso Akaa. Nɔ lɔɛtití nɛ Abosam shu tɛ ebu tɛtsɛɖɛ mɛ ashɛ nɛ ɔnɔ ɔbha.

Filipianɛ 1:4

Nɛ mɛ Owusoso Akaa tikukuluɔ ɔkɔ ɔnɔ petee mɛɛ, ikulu yɛ nɛ̀ same kibe nyia be

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Efesoanɛ 5:21

nɔkpɛ kɛtakpu esi ɔkɔ agɔlɔ tɛ nɔlɔkɔ kpɛ bagɔlɔ same ɔkɔ Kristo.