Hebrianɛ 13:13 - Nyangbo New Testament

¹³ So nɔkɔ bukoeyi vɛ Yesu yɛɔbha nɛ buvũ niede tɛ bakpɛ ɔlɔ tsyɛ awuĩ nɛidi gɛ bakpɛ yɛ.

Hebrianɛ 13:13 Referans Kwoze

Hebrianɛ 11:26

Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Korintoanɛ 2 12:10

Kliso pɛ nɛ Kristo yɛtakpuɔ, ɛmɔ same nɛ tibobotsò mɛ, nɛ akwalatu mɛ, nɛ ebui gagalĩ mɛ, nɛ banɔede tɛtɔtɔnɔ mɛ nɛ̀ bɔtɔ mɛ. Ɔmɔsɛ onupɛ ibotsoɔ, ɛkɛlɛ mɛmɔ tɛgagalĩ.

Hebrianɛ 12:3

Noɖi bɔtɔ gɛ anɔ alɛ akpɛ emi amɔ edenɔ banɔ kpa gɛ alɔɛtití nɛishuɔ ahɔɛ mɛɛ, sɛ tɛ anɔ nyia anɔ akpɛ emi tɛ yɛitú titsyina ɔtɔ.

Petro 1 4:4

Kɛbhɛtɛ balɛibi nɛ kibui nɔnɔ shu so pɛ, nɔgɛ dɛmɛ ɔsɛ tɛ̀ nɔkpà plɛnɔ balɛ nɛ ɛkpã kpa zazãna ɛlɛ mɛ, kliso bakɔalà wɔnɔ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 12:4

Gɛ nɔgɔ̃lɛ nɛ̀ ebui kpa tsyɛ elo, kɛkà ba ɛlɛ mɛ sɛ tɛ bàbalɛ wɔnɔ dzyosu esi xɔnɔ.