Hebrianɛ 12:24 - Nyangbo New Testament

²⁴ Yesu gɛ evũ iboe nɛ̀ olugbũ nyanya vɔvɔ, nɛ̀ dzyosu hɔɛhɔ̃ɛ gɛ aɖɔaɖɔ gbangbã ɔdɛ Abel dzyosu nɔɔ.

Hebrianɛ 12:24 Referans Kwoze

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Hebrianɛ 11:28

Nɛ tɛyɛyɛkɛŋã mɛɛ, Mose akpɛ Tɛdɔdɔfala nɛ̀ dzyosu hɔɛhɔ̃ɛ ɔkɔɔ, sɛ tɛ anunɔ gɛ eyí beyikusiɛ nɛ Egipteɛ, etibeyí Israelanɛ xɔnɔ ayɛ.

Hebrianɛ 11:4

Nɛ tɛyɛyɛkɛŋã mɛɛ, Abel akɔ Owusoso Akaa ɔdɔ̃ pɔpɔɛ gbangbã ɔdɛ Kain. Gana tɛyɛyɛkɛŋã mɛɛ, yɛibui ku Owusoso Akaa awɔ̃ kɛlɛ aɖɔaɖɔ gbangbã nɛ yɛɔdɔ̃ kɔkɔɔ shu. Abel etitsí, pɔ nɛ tɛyɛyɛkɛŋã mɛɛ, akaɖɔaɖɔ.

Hebrianɛ 8:6

Kɛxɔ̃ɛ dɛdɛɛ pɔ gɛ Kristo ayɛkɛɛ, kigbogblo dɛ balɛ ɛyɛ, asɛ kigbogbloɔ gɛ yɛolugbũ nyanyã gɛ alɔkɔ evũ iboe nɛ bɔlɔ ishiɛ nɔ tsyɛ ogbogblo ɔdɛ balɛ ɔyɛ kukuɔ ana. Ɔmɔsɛ lode tɛtɔtɔɖɔ luɔ gɛpɛ̃ dɛ okukuɔ mɛ.

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Hebrianɛ 9:21

Nɛidzo ɛlɛ nabhaa yɛazahɔɛ dzyosu nɔ nɛ trɛwɔɛagba nɛ̀ kɛka nyia ka shu axɔ̃ɛ gɛ bawɔa nɛ ɔkɔ oshukɔ nabha.

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Hebrianɛ 7:22

Bɔdɔ̃ tatanà ɛlɛ soɔ, Yesu ebedzi anunɔ gɛ yɛahɔɛ mɛ olũgbu nyanyã gbangbã lɛ ɔlɛ.

Hebrianɛ 8:8

Pɔ Owusoso Akaa amɔ esitata ɛbui nɛ banunɔ shu kɛlɛ aɖɔ asɛ, “Apaleteɛ adalɛ kɛlɛ mɛ asɛ, kibe lɛ ɛba, gɛ ɛbabhɛtɛ olugbũ nyanyã vɔvɔ nɛ̀ Israel upãa kɛlɛ nɛ̀ Yuda yɛɔpã.

Galatianɛ 3:20

Anɔ gɛevũ iboe, atɛzã akɔ kawɔ̃pɛ tienikpo, pɔ Owusoso Akaa alɛ tenikpo.

Hebrianɛ 8:13

Gɛ ekulu olugbũ nyanyã ɔlɛ asɛ, “ɔvɔvɔɔ,” kɛkasɛ ɔsɛ ɔgɛ oputɔ otsyina odzi okuku. Kɛlɛ kɛdɔ̃ nɔnɔ́ gɛ kishe pɛ kidzi ikukuɔ bɔyàla kɛyala.

Hebrianɛ 9:19

Kliso onupɛ Mose akalà ɔsha ka nyia ka akɔ banunɔ pete nɔ, azalɔkɔ banɛtsyɔɛeyi dzyosu, bulĩ nɛ̀ obhoshi tɛkã dzadzã ɔlɔkɔ plɛnɔ hisɔp (tɛwɔa tili gɛ Yudanɛ alɔkɔ eshu ɔkɔ nɔ) shu pɛ alɔkɔ azahɔ̃ɛ nɛ keplukpa nɛ̀ banunɔ abha.