Hebrianɛ 12:23 - Nyangbo New Testament

²³ Nɔba, wɔnɔ ɔhamɛeyi gɛ oputɔ, bagɛ alɛ enye bafɔnɔ elu nɛititíɛ. Nɔba Owusoso Akaa, gɛ yɛekulu ebhu nɛ̀ anɔ nyia anɔ, nɛ̀ banɔ gbangbã ɛfɔfuĩa nɔ gɛ babhɛtɛ piapii nɔ,

Hebrianɛ 12:23 Referans Kwoze

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Hebrianɛ 11:40

Owusoso Akaa atɔɖɔ ibui gbangbã tili elu akɔ ɔlɔ, kɛlɛ kɛgɛ apɛɛ nɔ kɛli nu ɔsɛ, nɛ tenikpo bhɛbhɛtɛ mɛɛ, abakɔ kɛka nyia ka ba ɛlɛ mɛ, nɛ alɛ tɛtɔtɔɖɔ ulũ.

Kibui Bubú Kasɛ 14:4

Balɛ enu anɔ gɛ bagɛ dɛ badzɛ̃ shu eɖi, kɛlɛ bazã ishu dadalɛ mɛ. Bazã Obhoshieyi niede avɛ ɔkɔ nyia ɔkɔ gɛ avɛɛ. Bedzi alɛ edenɔ banɔ gelee ishi, kɛlɛ balɔkɔ alɛ akɔ Owusoso Akaa nɛ̀ Obhoshieyiɛ, ɔmɔ asɛ busieyuyu gɛ bapɔ eputɔ ana.

Kibui Bubú Kasɛ 20:15

Onupɛ bágɛmɔ anɔ teli yɛinye sɛ bafɔnɔ ɛlɛ akpɛ ɛkpãeplukpa mɛɛ, balɔkɔ yɛatɛ́ akpɛ kifu ɔɖɛklɛmɛ nɔ mɛ.

Hebrianɛ 9:27

Asɛ ɛtɔɖɔ gɛ batɔɖɔ akɔ anɔdzyrame asɛ tɛ etsí titsitsí tinikpo, kɛlɛ nɛ ɛlɛ niedeɛ, bebèkulu ebhu nii,

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Petro 1 2:23

Kibeɛ gɛ baza kwɔalà yɛɛ tsyɛ elo, egibu kɛlɛilũ, gɛ azamɔ bɔtɔɔ, agɛkã ɔkɔ ananà. Pɔ alɔkɔ yɛishu ɔkɔ agɛ yeekulù kebhu gbangbãa.

Hebrianɛ 11:4

Nɛ tɛyɛyɛkɛŋã mɛɛ, Abel akɔ Owusoso Akaa ɔdɔ̃ pɔpɔɛ gbangbã ɔdɛ Kain. Gana tɛyɛyɛkɛŋã mɛɛ, yɛibui ku Owusoso Akaa awɔ̃ kɛlɛ aɖɔaɖɔ gbangbã nɛ yɛɔdɔ̃ kɔkɔɔ shu. Abel etitsí, pɔ nɛ tɛyɛyɛkɛŋã mɛɛ, akaɖɔaɖɔ.

Timoteo 1 3:5

(Onupɛ anɔ teli etinyi kana gɛ ebeɖi yɛahɔɛ bɔpã abhaa pɔ, kɛlɛ yɛabalà eɖi Owusoso Akaa ɔhaa nabha dza?)

Filipianɛ 4:3

Ee, kɛlɛ ibisi odenɔ wɔnɔ agɛ onu mɛ ɔhagbo axɔ̃ɛwɔa ɔkɔ ɔsɛ tɛ, nɔ plɛnɔ badzɛ alɛ gɛ gɛazã aplɛnɔ mɛ gagalĩi nɛ kibui gbangbã axɔ̃ɛ wɔawɔa mɛ, ɔlɔkɔ plɛnɔ Klemens nɛ̀ mɛ ɔhagbo axɔ̃ɛwɔa gɔgɔɛ nɔ, gɛ balɛ inyeɛ kpasɛ ɛkpã eplukpa mɛ.

Efesoanɛ 1:22

Kɛlɛ Owusoso Akaa alɔkɔ kɛka nyia ka akpɛ yɛtsɛɖɛ esi, kɛlɛ ebú yɛ sɛ tɛ edzi kɛtakpu akɔ ɔhaa, ɔlɛ kɛka nyia ka

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Korintoanɛ 2 5:8

Ɛɖɔ ɛlɛ sɛ bɔyɛkɛ bɔlɔ shu abha ŋã, kɛlɛ bɔba pɛ sɛ tɛ bukoeyi nɛ ishudzya ɛlɛ mɛ tɛ bɔdɛzã Apaleteɛ bɔpã mɛ.

Korintoanɛ 1 15:54

Onupɛ balɔkɔ ishupiɛ gɛtɛ bàtsɔmɔ akpɛkpɛ akpɛ akɔ ishupiɛ gɛbà tsɔmɔ̃ɔ, pɛ balɔkɔ ishupiɛ gɛbàzã tihɔɔ akpɛkpɛ akpɛ kɔ ishupiɛ gɛtɛ bàzã tihɔɔ nɔ, kɛlɛ kibuiɛ gɛ bafɔnɔ elúɔ babà kɛlɛ mɛ ɔsɛ, “Bamɛnɔ butsi edenɔ kabhaŋaŋã mɛ.”

Korintoanɛ 1 13:12

Otsi buɖi ebuikukuɔ asɛ ahuhɔ̃ɛ gɛeɖì ɔlɔ pɛ bɔlɔ tsyɛ iɖì yɛanà, kɛlɛ bɔbàɖi bamɛ nɛ̀ bamɛ. Otsiɛ ebuiɛ kawɔ̃pɛ ete mɛinyi, kɛlɛ ɛbàtì alɛ petee, asɛ kana gɛ benyi mɛtsyɛ ana.

Korintoanɛ 1 15:49

Asɛ kana gɛ bamɔ bɔlɔ budzì asɛ kesiakpa abha anɔ nɔ̀ɔ, kana bɔbà zã asɛ anunɔ gɛ ede kititiɛ.

Hebrianɛ 2:12

Kɛlɛ aɖɔ asɛ, “Ɛbaɖɔaɖɔ dalɛ wɔɛnyeɛ shu ɔkɔ mɛadzya alɛ, kɛlɛ nɛ ɔha namɛɛ, ɛbazhã wɔdzɛ kpɛ wɔɛnye nɛitití.”

Kibui Bubú Kasɛ 6:9

Gɛ adalɛ adadã trimiɛ, ɛmɔ bagɛ beyí nɛ Owusoso Akaa ibui nɛtakpu, nɛ̀ bagɛ anyana yɛibui dadalɛ mɛ evunɔ, balɛ atɔwuiɛ nɛ bɔdɔ̃ pɔpɔɛ osubha niesi.

Kibui Bubú Kasɛ 6:11

Kɛlɛ balɔkɔ akpɛkpɛ dzlolo fufu akɔ balɛ mɛ anɔ nyia anɔ, kɛlɛ betseɖe alɛ asɛ, bewlui adɔfɔ̃ kɛbɔɛ ɔvɛnɔ kibeɛ gɛ beyí balɛ ɔhagbo baxɔ̃ɛdɛ nɛ̀ balɛ adzya alɛ gɔgɔ̃ɛ nɔ gɛ batɔɖɔ asɛ bebèyíɛ ebeke.