Hebrianɛ 12:16 - Nyangbo New Testament

¹⁶ Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.

Hebrianɛ 12:16 Referans Kwoze

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Banɔkpɛkpɛ Axɔ̃ɛ 15:29

Nobu ishu oyinɔ odenɔ bɔŋaŋã gɛ batɔ akɔ ibudiɛ, dzyosu nɛ̀ bɔdzya gɛide bagã gɛ bedzyinì balɛ iliɛ mɛ, ɔlɔkɔ ɔplɛnɔ kɛgɔlɔ ŋaŋã. Nɔkpɛ kemi tɛ̀ nɔshɛnɛ ahɔɛ nɛ ebui alɛ nɛidi shu. Bɔsɛnɔ wɔnɔ piapii.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Efesoanɛ 5:5

Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Korintoanɛ 1 10:8

Nɔtɛ bhɛtɛ kɛgɔlɔ ŋaŋã ebui, asɛ kana gɛ balɛ mɛanɔ teli abhɛtɛɛ ana, pɛ balɛ mɛ anɔ ihotu afɛtaabha nɛ̀ tata etsi nɛ kiwui tinikpo abha.

Banɔkpɛkpɛ Axɔ̃ɛ 15:20

Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Timoteo 1 1:9

Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,