Hebrianɛ 11:7 - Nyangbo New Testament

⁷ Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Hebrianɛ 11:7 Referans Kwoze

Petro 1 3:20

ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,

Romanɛ 4:13

Anɛ gana ɔsha mɛ flogo pɛ Abraham nɛ̀ yɛeyi alɛ bayɛkɛ tɛtɔtɔɖɔ asɛ kesiakpa ebedzi balɛ aŋãsi, pɔ gana anɔ gbangbã gɛ bedzi odenɔ tɛyɛyɛkɛŋã ulũ mɛ.

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Romanɛ 1:17

Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Petro 2 3:6

Denɔ beelĩ alɛ mɛ, balɔkɔ budekelĩ zĩ kanɔ nɔ̀ mɛ nɔ.

Petro 2 2:5

onupɛ agɛ lɔkɔ etsye kibelianɛ nɛ kibeɛ gɛ amana budekelĩ hohoe pɛ buvũ bagɛ egi tì Owusoso Akaa, pɛ ebú Noah, anɔ gɛ aɖɔaɖɔ nɛ kibui gbangbã bhɛbhɛtɛ shu, nɛ̀ baanɔ tegegene gɔgɔɛ nɔ,

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Hebrianɛ 11:1

Tɛyɛyɛkɛŋã nu kɛgɛ olu awɔ̃ nɛ ɛlɛ abha pɛ oɖi kɛdɔ̃ gɛ ɔtɛ ɔmɔ nɛidzo mɛ.

Romanɛ 10:6

Pɔ tɛzazã gbangbã ɔgana tɛyɛyɛkɛŋã mɛɛ, aɖɔ asɛ, “Tɛɔɖɔ nɛ wɔitúɔ mɛ ɔsɛ, ‘Afana gɛ ebewu avɛ ititíɛ?’ ” (gɛ kɛlɛ esi nu ɔsɛ, tɛ badɛ gbana Kristo amana)

Romanɛ 4:11

Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Hebrianɛ 8:5

Badɛ axɔ̃ɛ nɛ trɛwɔɛagba ɔdadalɛ ɔkɔ, gɛ lodzi asɛ kitití ɔyɛ nɛ̀ kɛtɔwui nɛidi ana. Kliso pɛ Owusoso Akaa ebui ɛlɛ mɛ akɔ Mose nɛ trɛwɔɛagbaa tidzudzuɔ shu asɛ, “Ɖi kɛlɛ ɔkɔ ɔsɛ ɔbhɛtɛ kɛka nyia ka kɛna asɛ kɛgɛ bebu akasɛ wɔ nɛ butu nabha.”

Hebrianɛ 12:25

Nolu awɔ̃ tɛ notitso dzi nɛibuiɛ gɛ anunɔ aɖɔ niede. Onupɛ bagɛlà ebu tɛtsɛɖɛ mɛ ashɛ nɛ anunɔ gɛ etseɖe nɔ nɛ̀ alɛ nɛ esiakpa alɛ nabhaa, kɛlɛ bɔlɔ pɔ balà bu tɛtsɛɖɛ mɛ onupɛ butso dzi nɛ anunɔ gɛ etseɖe nɔ ɔlɔ nɛ kititíɛ ɔbha?