Hebrianɛ 11:6 - Nyangbo New Testament

⁶ Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.

Hebrianɛ 11:6 Referans Kwoze

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Romanɛ 10:14

So, kɛlɛ́ anɔ abalà ekulu kinye nɔnɔ́ abha gɛ agɛyɛkɛ aŋãa dza? Kɛlɛ́ babàlà yɛkɛ anunɔ gɛ bekelũ yɛɔdɔ̃ eɖiɛ abha aŋãa dza? Kɛlɛ kɛlɛ́ babalà elũ Owusoso Akaa ibuiɛ onupɛ anɔ nanà atɛ aɖɔ kɛlɛ etseɖe alɛɛ dza?

Hebrianɛ 3:12

Mɛadzya alɛ mɔ, noɖi ɛlɛ ɔkɔ ɔsɛ, ebui kpa bhɛbhɛtɛ nɛ̀ etúɔ gɛ agɛ yɛkɛ aŋã pɛ letsyina nɛ Owusoso Akaa gɛ alɛ nɛ ɛkpã niedeɛ azã ɔnɔ ahɔɛ.

Petro 2 1:5

Kibui ɛlɛ shu soɔ, nɔga kidzo ka nyia ka abha tɛ̀ nɔlɔkɔ kibui gbangbã plɛnɔ tɛyɛyɛkɛŋã tɛ̀ ebui gbangbã tsyɛ plɛnɔ kibuititì,

Hebrianɛ 4:6

Kɛlɛ ɛlɛ mɛ ɔsɛ beteli eku omoelekɔ ɔlɛ, gɛ bagɛ eputɔ elũ Kibui Gbangbã agɛlà etsoku nɛ balɛ atɔ̃ gagalĩɛ shu so.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Hebrianɛ 4:2

Kɛɖɔ gɛ baɖɔ Ibui Gbangbã etseɖe olɔɔ, kɛlɛɛ ko baɖɔ etseɖe alɛ tsyɛ, pɔ kibuiɛ gɛ belũɔ gɛ yɛkɛ edzi nanà ɔkɔ alɛ, ɔmɔsɛ bagɛ elũ ɛlɛ agɛ lɔkɔɛ ɛlɛ akpɛ tɛyɛyɛkɛŋã mɛ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Hebrianɛ 11:26

Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.