Hebrianɛ 11:4 - Nyangbo New Testament

⁴ Nɛ tɛyɛyɛkɛŋã mɛɛ, Abel akɔ Owusoso Akaa ɔdɔ̃ pɔpɔɛ gbangbã ɔdɛ Kain. Gana tɛyɛyɛkɛŋã mɛɛ, yɛibui ku Owusoso Akaa awɔ̃ kɛlɛ aɖɔaɖɔ gbangbã nɛ yɛɔdɔ̃ kɔkɔɔ shu. Abel etitsí, pɔ nɛ tɛyɛyɛkɛŋã mɛɛ, akaɖɔaɖɔ.

Hebrianɛ 11:4 Referans Kwoze

Hebrianɛ 12:24

Yesu gɛ evũ iboe nɛ̀ olugbũ nyanya vɔvɔ, nɛ̀ dzyosu hɔɛhɔ̃ɛ gɛ aɖɔaɖɔ gbangbã ɔdɛ Abel dzyosu nɔɔ.

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.

Hebrianɛ 9:22

Kibui gbã kinu nɛ ɔsha nulũ ɔsɛ tɛbalɔkɔ dzyosu adalɛ kɛka nyia ka shu nɔ, kɛlɛ onupɛ dzyosu agɛ balɛ nɛ esiɛ, kibui tɛlɔlɔkɔ otsye nanà tsyɛ ma.

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Tito 1:16

Baɖɔ asɛ enyi Owusoso Akaa, pɔ nɛ balɛ ebui bhɛbhɛtɛ mɛ xɔnɔɔ, betinyi yɛ. Banyana anɔ akpɛ ɛyamɛ, betielũ atɔ̃, kɛlɛ bagɛ na ɔkɔ kɛgbangbã nanà bhɛbhɛtɛ.

Hebrianɛ 5:1

Bebu banɔlũazazã gbagbla ka nyia ka edenɔ banɔɛishi. Bedzui asɛ tɛ azã ishi akɔ Owusoso Akaa nɛ̀ banɔ, tɛ akɔ ɔdɔ̃ tɛ azapɔɛ ɔdɔ̃ nɛ ebui kpa ɛtakpu.

Hebrianɛ 11:2

Nɛidzo ɛlɛ nabhaa ebelianɛ nɛibui ku Owusoso Akaa awɔ̃.

Petro 2 2:8

(ɔmɔsɛ anɔ dadalɛ alɛ́ gɛ azã banɔ nɔ̀ nɛishi kiwui nyia iwui. Yɛtɔwui dadalɛ mɔ ɔwɔ̃nyɔnɔ gelee odenɔ balɛ̀ ɔsha bha mabhɛtɛ mabhɛtɛ ebuiɛ gɛ azamɔ pɛ elũɔ shu),