Hebrianɛ 11:26 - Nyangbo New Testament

²⁶ Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.

Hebrianɛ 11:26 Referans Kwoze

Hebrianɛ 11:6

Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Kibui Bubú Kasɛ 3:18

Ihu uluhũ kɔ wɔ ɔsɛ tɛ odzi sikã gɛ bewoese nɛ ifu mɛɛ, sɛ tɛ ɔlà otsyina odzi ehoeyielete. Dzi apɔtɛ fufu tɛ ɔdã, tɛ ɔlɔkɔ obu wɔ ɛdɔ̃ makpɛ makpɛ iwuĩ nɔ nɛishu, nɛ̀ awuhũ bɔwa tɛ ɔkpɛ nɛ awuhũɔ mɛ tɛ ɔzɔmɔ piapii.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

Hebrianɛ 2:2

Onupɛ kibuiɛ gɛ akaa yɛaxɔ̃ɛdɛ abaɖɔ alɛ ɛnyã ɔlɔ, kɛlɛ bagɛ alɔɛtití nɛ ɛlɛishu alo pɛ begilũ atɔ̃ɔ, babàmɔ batɔ̃ pɔpɔ̃ gɛ ashɔnɔɔ,

Korintoanɛ 2 6:10

ɔwɔ̃nyɔnɔ kpasɛ bɔlɔ mɛ, pɔ bɔmɔ same kibe nyia be, bɔdɔ̃ kitsyui, pɔ bɔkɔ banɔ kpekpèɛ amɔ ehoeyi bɔdɔ̃, kɛdɔ̃ nanà ma bɔlɔ ahɔɛ, pɔ kɛka nyia ka lɛ bɔlɔ ahɔɛ.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Korintoanɛ 2 12:10

Kliso pɛ nɛ Kristo yɛtakpuɔ, ɛmɔ same nɛ tibobotsò mɛ, nɛ akwalatu mɛ, nɛ ebui gagalĩ mɛ, nɛ banɔede tɛtɔtɔnɔ mɛ nɛ̀ bɔtɔ mɛ. Ɔmɔsɛ onupɛ ibotsoɔ, ɛkɛlɛ mɛmɔ tɛgagalĩ.

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Hebrianɛ 13:13

So nɔkɔ bukoeyi vɛ Yesu yɛɔbha nɛ buvũ niede tɛ bakpɛ ɔlɔ tsyɛ awuĩ nɛidi gɛ bakpɛ yɛ.

Hebrianɛ 10:33

Nɛ kibeɛ tili mɛɛ, baakwala ɔnɔ nɛ ɔmɛishi pɛ baatɔnɔ ɔnɔ ede. Kibeɛ tili pɔɔ, baalɔkɔ ɔnɔ akpɛ bagɛ balɛ tsyɛ azamɔ bɔtɔ ɔlɛ nɛidiɛ nɛishi.

Filipianɛ 3:7

Pɔ kɛgɛ ɛta mɔ nɛ ebui alɛ mɛɛ, Kristo soɔ ɛga mɔ alɛ.

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Kibui Bubú Kasɛ 2:9

Inyi ampɔɛ ebuiɛ gɛ ɔmɔ nɛ̀ wɔɛtsyui dɔdɔɔ, pɔ ehoeyielete wonu nɛ ɔfɔfuĩa mɛ flogo! Inyi ishu zizĩ ebuiɛ gɛ bagɛ basɛ Yudanɛ benu, pɔ anɛ alɛ benu flogo nɔ, pɛ benu Satana ɔtsyɔakɔ azazã.