Hebrianɛ 11:25 - Nyangbo New Testament

²⁵ Pɔ adɛmɛ asɛ tɛ amɔ bɔtɔ nɛ̀ Owusoso Akaa yɛeyi alɛ ɔdɛ ɔsɛ tɛ aŋã kanɔ mɛ ɛkpã dzyɛdzyɛ gɛ lɛtɛ bazã tihɔɔ nɔ.

Hebrianɛ 11:25 Referans Kwoze

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Kibui Bubú Kasɛ 18:7

Nɔhɔhɔli piapii tɛ amɔ ɔwɔ̃nyɔnɔ nɛ yɛishu dadalɛ ɔdɔ̃ nɛ̀ ehoeyiudɔ̃ gɛ abhɛtɛ akɔ yɛishuɔ. Efeke ishu nɛ yɛitúɔ mɛ, ‘Ɛzã esi asɛ adzɛekusi ana, itinu avɛvɛ yɛedzini, kɛlɛ yoyo bibí tɛbàba mamɛ oɖi.’

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Yakobo 5:5

Nɔzã kanɔ alɛ mɛ, pɛ nɔŋã ɛkpã nɛ̀ ehoeyiudɔ̃. Nɔŋã ɔdɔ̃ olu bɔ, pɛ noopo banɔ yiyíwui.

Yakobo 1:20

ɔmɔsɛ ɔmɔpɔɛ ɔtɛkɔ ɔsɛ anɔ azã nɛ ɛkpã gbangbã gɛ Owusoso Akaa adɛmɛ nɔɔ.

Hebrianɛ 11:37

Behu teli aklagbu kɛlɛ bayɛ teli mɛ akpa bɔwɔ̃pɛ tɔɔbha mɛ nɛ̀ saa, teli xɔnɔ beté alɛ eyí nɛ̀ babɛtɛ̀. Beteli pɔɔ, ibhoshi nɛ̀ bepidzyapi mɛ bazazã, bazafala akpakpa nɛ̀ bɔbhɛ, bazatɔnɔ̃ alɛ ede pɛ bazawɔa ɔfɔ̃ nɛ alɛishu,

Hebrianɛ 10:32

Nɔbaka ewuiɛ gɛ abafala pɛ nɔyɛkɛ tɛdadalɛ oɖi. Kibe ɛlɛ nɔzã piapii, nɔɔkpɛ emi ɔzɔwlɔãkɛ gagalĩi nɛ bɔtɔ gelee mɛ.

Hebrianɛ 4:9

Kliso kimoelewui tili lɛ ɔkɔ Owusoso Akaa yɛeyi alɛ,

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Romanɛ 5:3

Anɛ kɛlɛ ete ko, pɔ bɔmɔ same tsyɛ nɛ bɔlɔ ɔtɔ mɛ, ɔmɔsɛ bunyi sɛ bɔtɔ kɔ sɛ anɔ akpɛemi,

Banɔkpɛkpɛ Axɔ̃ɛ 7:34

Ɛɛmɔ̃ ɔtɔ mɛ̀ ɔkɔ mɛ banunɔ nɛ Egipteɛ kɛgbã. Ilũ balɛ tìninimiɛ kɛlɛ izhiba ɔsɛ tɛ mɛ bàkɔ alɛ ishu ahɔɛmɛzazã, kliso ba otsiɛ tɛ midzinì wɔkpɛ nɛ Egypte.’