Hebrianɛ 11:17 - Nyangbo New Testament

¹⁷ Nɛ tɛyɛyɛkɛŋã mɛɛ, gɛ Owusoso Akaa efeke Abraham eɖiɛ, alɔkɔ Isak akɔ, asɛ ɔdɔ̃ pɔpɔɛ ana. Gɛ yɛenu anunɔ gɛ batɔɖɔ tɛtɔtɔɖɔ ɛlɛ elu akɔ tsyɛ elo, adɛmɛ alɔkɔ eyiɛ gɛenu yɛeyianyɛ tenikpo nɔ asɛ ɔdɔ̃ pɔpɔɛ,

Hebrianɛ 11:17 Referans Kwoze

Kibui Bubú Kasɛ 3:10

Gɛ ɔkpɛ emi olu itú esi pɛ ɔbhɛtɛ mɛɔsha nabha soɔ, mɛ tsyɛ ɛbabu wɔ odenɔ tifefekeɖi ibe gagalĩɛ gɛbàba kanɔ nɔ̀ mɛ pete abhaa mɛ, sɛ tɛ befeke bagɛ alɛ kanɔ nɔ̀ mɛɛ eɖiɛ.

Yakobo 5:11

Asɛ gɛ nonyi ana, bagɛ beyulaa, balɛ edzi anɔ gɛ bakpɛ emi. Nolũ kɛkpɛ gɛ Hiob akpɛ emi, kɛlɛ nɔmɔ kɛgɛ Apaleteɛ abhɛtɛ akɔɛ gɔgɔɛ nɔ. Apaleteɛ ɛyamɛ yɔ kɛlɛ eɖi anɔ ashagabui.

Petro 1 4:12

Mɛɔbhia alɛ gɛ ɛdɛmɛ nɔ, tifefekeɖiɛ mɛ gɛ nɔgã tɛbhɛtɛ wɔnɔ ibì, asɛ gɛ onupɛ kibui gɛ ɛbhɛtɛ ibi kɛlɛ bà wɔnɔ abha ana.

Hebrianɛ 7:6

Ekusi alɛ pɔ etinu Levieyi tsyɛ flogo, pɔ ayɛkɛ ɔdɔ̃ awɔ̃pɛ lɔfɔmiɛ nɛ Abraham ahɔɛ pɛ eyula atɔɖɔ anunɔ gɛ Owusoso Akaa abhɛtɛ tɛtɔtɔɖɔ elu akɔ nabha.

Korintoanɛ 2 8:12

Ɔmɔsɛ onupɛ tɛpɛpɛ ɔkɔ kɛdɔ̃ kɔkɔ lɛɛ, baba yɛkɛ kɛgɛ ɔlàkɔ nɛ kɛgɛ lɛ wɔahɔɛ mɛ, gɛnɛ kɛgɛ ma wɔahɔɛ pɛ ɔtɛbɔlà kɔ shu.

Hebrianɛ 11:13

Banɔ alɛ pete nɔ, tɛyɛyɛkɛŋã ɛlɛ zã alɛ ahɔɛ flogo pɛ bétsí. Pɔ bagɛ yɛkɛ ɔdɔ̃ gɛ batɔɖɔ elu akɔ alɛ. Bamɔ bɔlɛ ete, kɛlɛ batsyana ɔlɛ edenɔ kitsí. Badɛmɛ atɔɖɔ ɛlɛ abha asɛ befu nɛ̀ baafafala ete benu nɛ esiakpa nabha.