Hebrianɛ 11:13 - Nyangbo New Testament

¹³ Banɔ alɛ pete nɔ, tɛyɛyɛkɛŋã ɛlɛ zã alɛ ahɔɛ flogo pɛ bétsí. Pɔ bagɛ yɛkɛ ɔdɔ̃ gɛ batɔɖɔ elu akɔ alɛ. Bamɔ bɔlɛ ete, kɛlɛ batsyana ɔlɛ edenɔ kitsí. Badɛmɛ atɔɖɔ ɛlɛ abha asɛ befu nɛ̀ baafafala ete benu nɛ esiakpa nabha.

Hebrianɛ 11:13 Referans Kwoze

Hebrianɛ 11:27

Nɛ tɛyɛyɛkɛŋã mɛɛ, ashɛ nɛ Egipte, kɛlɛ ɔmɔpɔɛ nɔ gɛ ekusiɛ akpɛɛ logiku yɛifu, pɔ akpɛ emi avɛ ɛlɛ abha, ɔmɔsɛ azamɔ anunɔ gɛ alɛ tikpukpũ mɛɛ.

Hebrianɛ 11:39

Banɔ alɛ nyɔ̃ɔ nɔ, tɛyɛyɛkɛŋã dalɛ balɛishu, pɔ balɛ mɛ anɔ nanà agɛ yɛkɛ kɛgɛ Owusoso Akaa atɔɖɔ eluɔ.

Efesoanɛ 2:19

Nɛ kibui ɛlɛ shu soɔ, nɔ otikonu bededeba alo beefù, pɔ nɔonu Owusoso Akaa yɛanɔ nɛ̀ Owusoso Akaa yɛɔpãmɛ ayɛ,

Romanɛ 8:24

Ɔmɔsɛ nɛ awɔ̃ lulu alɛ mɛɛ, bayɛkɛ ɔlɔ elu nɛ̀ ɛkpã. Pɔ awɔ̃ lulu nɔnɔ́ gɛ alɛ tɛmɔmɔ mɛɛ, letinu awɔ̃ lulu kura. Afana gɛ ezebelu awɔ̃ nɛ kɛdɔ̃ gɛ kɛlɛ yɛahɔɛ kukukuɔ nabhaa dza?

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Petro 1 1:17

Gɛ nokulu Akaa gɛ ekulù kebhu nɛ̀ anɔ nyia anɔ axɔ̃ɛ wɔawɔa pɛ etiɖì banɔ amɛɛ soɔ, nɔzã nɛ̀ wɔnɔ ɛkpã asɛ bafafala ana nɛ ishu esi zhizhini nɛ̀ kifusisi mɛ̀.

Romanɛ 4:21

gɛ ayɛkɛ aŋã piapii asɛ ohumi ɔlɛ Owusoso Akaa ahɔɛ sɛ abalà abhɛtɛ kɛgɛ atɔɖɔ asɛ ababhɛtɛɛ.

Yohanes 1 3:19

Alɛ abha bɔbà gã pɛ bɔbà tisɛ bɔkpasɛ kibui gbã mɛ, nɛ̀ kana gɛ bɔlɔkɔ bɔlɔ etúɔ lu awɔ̃ nɛ yɛabha

Korintoanɛ 2 4:18

Klisoɔ bɔtɛ ilu awɔ̃ nɛ kɛgɛ bamɔ nɛ̀ awuhũɔ nabha, pɔ buulu awɔ̃ nɛ bɔdɔ̃ gɛ batɛ amɔ nabha. Ɔmɔsɛ kɛgɛ bɔmɔ nɛ̀ anwuhũɔ tɛzã kibe dzlolo, pɔ kɛgɛ batɛmɔ nɛ̀ awuhũɔ kɛlɛ zã tihɔɔ.

Korintoanɛ 2 5:6

Klisoɔ buɖi kidzo mɛ kibe nyia be, kɛlɛ bunyi tsyɛ sɛ gɛ bɔkpasɛ ishudzya bɔpãlɛ mɛɛ soɔ, bɔlɛ odzlolo ɔkɔ nɛ Apaleteɛ shu.

Hebrianɛ 11:14

Bànɔ nɔ̀ gɛ baɖɔ ebui alɛ nɛidiɛ, kɛkasɛ ɔsɛ baapɛ esiakpa gɛenu balɛ ahɔɛ ayɛ.

Hebrianɛ 11:17

Nɛ tɛyɛyɛkɛŋã mɛɛ, gɛ Owusoso Akaa efeke Abraham eɖiɛ, alɔkɔ Isak akɔ, asɛ ɔdɔ̃ pɔpɔɛ ana. Gɛ yɛenu anunɔ gɛ batɔɖɔ tɛtɔtɔɖɔ ɛlɛ elu akɔ tsyɛ elo, adɛmɛ alɔkɔ eyiɛ gɛenu yɛeyianyɛ tenikpo nɔ asɛ ɔdɔ̃ pɔpɔɛ,

Petro 1 1:1

Mɛ Petro anɔ gɛenu Yesu Kristo yɛanɔkpɛkpɛ, mɛ fɔnɔ keplukpa alɛ sɛsɛ bagɛ Owusoso Akaa ebu luɔ, pɛ bunu bafafala nɛ kanɔ nɔ̀ mɛ, pɛ bapɔɛ akanà nɛ Ponto, Galatia, Kapadokia, Asia nɛ̀ Bitania, ɔdɔ̃ mɛ