Hebrianɛ 11:10 - Nyangbo New Testament

¹⁰ Ɔmɔsɛ ezeɖi idzo mɛ akɔ ɔma hohoe toli gɛ ɔlɛ tidzudzu esi kpɛkpɛ ɛklagbueleteɛ, nɛ̀ agɛ atá ɔma pɛ ebhui ɔlɛ, yɛenu Owusoso Akaa.

Hebrianɛ 11:10 Referans Kwoze

Hebrianɛ 13:14

Ɔmɔsɛ nɛ kanɔ alɛ mɛɛ, ɔma nanà ɔma gɛ ɔbɔkpɛ emi ɔzã tihɔɔ, pɔ buuɖi ɔgɛ ɔbɔba nɛidzo mɛ.

Filipianɛ 3:20

Pɔ bɔlɔ xɔnɔɔ, bɔlɛ epi alɛ itití. Kɛlɛ bulipo agɛ aba yɛkɛ kɔ ɔlɔ edenɔ ɛkɛlɛ gagalĩ, gɛenu Apalete Yesu Kristo,

Hebrianɛ 12:22

Otsi alɛ nɔba Zion Butuɔ, gɛinu kitití Yerusalem, Owusoso Akaa enunuɔ yɛɔma gbagbla mɛ. Noboku baxɔ̃ɛdɛ ihotu, ihotuɔ nɛ̀ balɛ same mɔmɔ̃ ɛzaa mɛ.

Korintoanɛ 2 5:1

Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.

Hebrianɛ 3:4

Buvũ ka nyia kaa, anɔ teli ko yɛedzu ulɛ, pɔɔ Owusoso Akaa yɛenu anunɔ gɛ yɛedzu kɛka nyia ka.

Kibui Bubú Kasɛ 21:2

Ɛmɔ Ɔma Dadalɛ gɛonu Yerusalem vɔvɔ loozhi ode Owusoso Akaa ɔkɔ nɛititíɛ ɔba. Bewoese ɔlɛ piapii asɛ kiwoese gɛ bewoese adzɛ gɛ bakpɛ buluwɔ̃a akɔ anyɛ sɛ tɛ agbana ana.

Hebrianɛ 12:28

Kliso gɛ bɔyɛkɛ bukusi ŋaŋã ɛlɛ gɛ bɔtɛbalà shukuɔ, nɔkɔ buhu ahɔɛ, tɛ bɔlɔkɔ ɛtakpu esi kpɛkpɛɛ gɛshɔnɔ, nɛ̀ kifu sisíɛ ɔkɔ Owusoso Akaa,

Hebrianɛ 11:16

Nɛ kɛlɛ nɛinye mɛɛ, baapɛ balɛ ahɔɛ esiakpa gɛ apɛ adɛ gɛ kenu itití ayɛ. Kliso kiwũi tiyi Owusoso Akaa asɛ bezekului asɛ balɛ Owusoso Akaa, ɔmɔsɛ ebhui ɔma hohoe toli elu akɔ alɛ.