Hebrianɛ 10:35 - Nyangbo New Testament

³⁵ Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Hebrianɛ 10:35 Referans Kwoze

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 11:26

Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Hebrianɛ 2:2

Onupɛ kibuiɛ gɛ akaa yɛaxɔ̃ɛdɛ abaɖɔ alɛ ɛnyã ɔlɔ, kɛlɛ bagɛ alɔɛtití nɛ ɛlɛishu alo pɛ begilũ atɔ̃ɔ, babàmɔ batɔ̃ pɔpɔ̃ gɛ ashɔnɔɔ,

Efesoanɛ 3:12

Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.

Hebrianɛ 10:19

Kliso mɛadzya alɛ mɔ, gɛ bɔyɛkɛŋã sɛ bɔbatsoku buvũɔ Ɔdadalɛ Ɔkɔ Ɔdɛ mɛ nɛ Yesu dzyosu nɔ mɛ soɔ,

Yohanes 2 1:8

Nɔoɖi ɛlɛ ɔkɔ sɛ̀ nɔgɛ yala kɛnanà gɛ nɔwɔa axɔ̃ɛ ɔkɔ, pɔ sɛ tɛ̀ babuia ɛlɛ shu kɛbhɛ akɔ wɔnɔ tɛ̀ kɛna.