Hebrianɛ 10:25 - Nyangbo New Testament

²⁵ Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Hebrianɛ 10:25 Referans Kwoze

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Tesalonikanɛ 1 5:11

Klisoɔ, nɔkpɛ bagɔlɔ kemi tɛ nɔbhɔ bagɔlɔ owunɔ, asɛ kɛbhɛtɛ gɛ nɔbhɛtɛ ɛlɛ ana.

Hebrianɛ 3:13

Pɔ nɔkpɛ bagɔlɔ emi iwui nyiɛ iwui, gɛ kiwui lɛ bekulu asɛ Oboɔ nɔ, sɛ tɛ wɔnɔ mɛ ananà aba gagalĩ atɔ̃ nɛ anɔ wɔɛwɔɛ mɛ.

Hebrianɛ 10:24

Nɔkɔ bɔkpɛ ɛtakpu mɛ nɛ kɛnyana gɛ bɔba nyana bagɔlɔ nɛ̀ tɛdɛdɛmɛ nɔ nɛ̀ ebui gbangbã tɛbhɛbhɛtɛ mɛ.

Korintoanɛ 1 5:4

Onupɛ noshogò nɛ bɔlɔ Apalete Yesu kinyeɛ mɛ, pɛ ɛkpasɛ wɔnɔɛ ishi nɛ ɔfɔfuĩa nɔ mɛɛ, pɛ bɔlɔ apalete Yesu ohumi nɔ tsyɛ ɔlɛ wɔnɔɛ shiɛ,

Tesalonikanɛ 1 4:18

Klisoɔ nɔkpɛ bagɔlɔ kemi nɛ̀ ebui alɛ.

Banɔkpɛkpɛ Axɔ̃ɛ 2:1

Gɛ Pentekoste kiwuiɛ baa, balɛ petee bazã kitsù nɛ ɔkɔ tonikpo.

Banɔkpɛkpɛ Axɔ̃ɛ 20:7

Nɛ ɔgɔnɛ ɔlɛ kiwuiɛ gɛiputɔ nabhaa, bɔba shogò ɔkɔ bɔlɔ ɔhakpɛkpɛ ɔdɔ̃ ŋaŋã. Paulo azaɖɔaɖɔ ɔkɔ banunɔ ɔmɔsɛ atɔɖɔ ɛlɛ asɛ abashɛ nɛ kelizaza mɛ, kliso azaɖɔaɖɔ idiyinɔ elishi tetì.

Korintoanɛ 1 14:3

Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Filipianɛ 4:5

Nɔkɔ wɔnɔ ishu nyanyana dzi kibui mɔmɔ ɔkɔ banɔ nɔ̀ petee. Apaleteɛ etso aba.

Petro 2 3:9

Anɛ gɛ Apaleteɛ atɛ ahɔa nɛ yɛ tɛtɔtɔɖɔ shu asɛ ilũɔ gɛ beteli elu tɛmahɔa mahɔa esi anà. Adɔ fɔ̃ɔ kɔ ɔnɔ, gɛ atɛ apɛ asɛ tɛ̀ ananà ɛkpã zĩ, pɔ tɛ̀ aka nyia aka etsyinà yɛitúɔ mɛ.

Yakobo 5:8

Wɔnɔ tsyɛ elo, nɔdɔ fɔ̃ɔ tɛ nɔzã gagalĩi, ɔmɔsɛ Apaleteɛ nɛbabe na beke.

Korintoanɛ 1 14:23

Kliso onupɛ ɔhaa petee ebeshogòɔ pɛ aka nyia aka ehu beluhũvɔvɔ, pɛ bagɛ betielũ kɛlɛ esiɛ, alo pɛ bagɛ agɛ yɛkɛŋãa teli ebekoeyìɛ pɔ, batɛ baɖɔ sɛ nɔmà piapii dza?

Yuda 1:19

Banɔ alɛ balɛ ebù wɔnɔ ɔtɔ, banɔ gɛ batɔnɔ ishupi mɛ ebui ede pɛ Ɔfɔfuĩa nɔ ma balɛ mɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Korintoanɛ 1 11:20

Onupɛ nobo shogòɔ, gɛnɛ Apaleteɛ Ɔwlago Bɔdɔ̃ nɔŋã,

Korintoanɛ 1 3:13

yɛxɔ̃ɛ bakasɛ kɛgɛ yɛalɔkɔ abhɔ bɔlɛ nɔ, ɔmɔsɛ Kiwuiɛ babu ɛlɛ kasɛ. Bebebù ɛlɛ akasɛ nɛ̀ kifú, kɛlɛ kifúɔ badalɛ aka nyia aka yɛ ɛxɔ̃ɛ wɔawɔa shu.

Banɔkpɛkpɛ Axɔ̃ɛ 16:16

Kiwui tinikpo gɛ bɔvɛ ɛkɛlɛ gɛ bukulu Owusoso Akaa, bɔtsyana adzɛnuvɔɛ dzidzi teli gɛ ɔfɔfuĩa toli ɔzãyɛahɔɛ gɛ azaɖɔ ebui gɛ laba ɛlɛ mɛ kidegba. Amɔ ehoeyi kpekpè akɔ yɛapalete alɛ nɛ yɛ kebisìɛ shu.

Hebrianɛ 10:37

Ɔmɔsɛ nɛ kibe gulũi mɛ koɔ, “Anɔ nɔ̀ gɛ yɛabaa, atɛ bawɔ ede.

Hebrianɛ 13:22

Mɛadzya alɛ mɔ, ɛɛkpalà ɔnɔ gagalĩi sɛ tɛ nɔyɛkɛ uluhũɔ gɛihu kɔ ɔnɔ gana eplukpa gulũi alɛ gɛ ɛfɔnɔ sɛsɛ ɔnɔ mɛ.